السلام عليكم ورحمة الله وبركاته
اليوم بإذن الله براويكم طريقة عمل المقلقل وهي أكله سعودية يمنية حد يسميها مقلقل وحد يسميها حميس وقد أكلتها مرة في العين في صناعية الهيلي يوم بنجرت تواير موتري ويلست أنتظر يغيرونهن فذقت من هالأكلة وحبيتها واليوم قررت أسويها و بدون أن أعرف طريقتها فقط من طعمها وإن شاء الله أنه طريقتي صح وليعذرني أصحاب الطبخة مجرد اجتهاد مني مش أكثر 
المقادير لحم طازج من العزبة سمين ومقطع صغار صغار وعادي بالشحم ماله 
وفلفل أسود وملح وزيت للقلي
وفلفل أسود وملح وزيت للقلي 
الزيت تركناه حتى يسخن جيدا
وقلبوه جيدا كل شوي
تقريبا ناضج ومستوي وريحته تكه 
ملاحظة سمعت أنه في ناس يقلونه مع البصل والثوم والناس بالطبع أذواق 
وهالطبق الشهي ينتأكل مع العيش
نيب جدر ماركة عبود ولدي
ولدي 
وهالخلطة طماط وفلفل وزنجبيل وبصل وثوم ولومي أسود
ونقلاهم
ونضيف الماي بقياس كاسين عيش اربع كاسات ماي ثلاث كاسات عيش ست كاسات ماي وهكذا
بس يغلي حطوا العيش ويوم بيقرب يستوي
غطوه عسب ينضا بالتساوي مب حبة لينة وحبة يابسه
الشكل النهائي
أتمنى أنكم استوعبتو الطبق وأهم شي أنه طريقتي صح
أعدته لكم اختكم أم عبدالله
ما شاء الله .. باين عليها طبخه دسمه وغاويه ..
تسلم يا بو محمد بصراحة هي خفيفة ولذيذة خصوصا ويا الشطة والفلفل مالهم والروب تاكل منها ما تحس أنها ثقيلة
بالعافيه ما شاء الله بس انا اول مره اسمعها بها
بس شكلها مشهيه هني عليك وعلى من كل
غبيشه هالاكله من اي دوله اذا ممكن
الله يعافيج أختي وتسلمين أظن هالأكلة يمنية وكثير من السعودين بعد يعرفونها نحن في الامارات عندنا لحم مفروم ويسمونه ناشف وهي أكله هندية
ما شاء الله تبارك الله اكله مميزة
انا عندى شي ابا اقوله لكم احد جرب الشوي على الصخر الابيض الحجر ياخذونه من مكان جريان السيل………………….. اللي ما جرب احسن يجرب اول شي يحط الحطب تحت الصخر وولع ومن ثم يقلب الصغر ويشوي ويوم يبرد الصخر يقلبه انه اللي تحت يكون على الجمر جربوا واعرضوا …………بالتوفيق انشاء الله
ما شاء الله ..
