السلام عليكم ورحمة الله وبركاته ..
هذة بعض الطرق المختصرة لتسمين التيوس للذبح أو الأهــــداء للأقارب والمعارف..
أكيد الاغلبيه منا يحب يذبح لبيته أفضل الذبايح لأجل عياله وأهله واذا حب يهدي أنسان أكيد يحب ان يهدي شي طيب ويبيض الوجه..
شو السر في بعض الذبايح ..تجدها نظيفة وسمينه ولايكون الشحم اكثر من اللحم بس يكون متساوي معاه ..يعني طبقة خفيفة من الشحم تغطي اللحم..
واذا تم شوي اللحم تجد له رائحـــــه فواحه تدل على انه لحم درجه أولى.!
وكذلك طبخة بأي طريقة لها مذاقها الخاص ولاتجده اسود داكن اللون بل تجده أبيض فاتح وشهئ.
بإختصار شديد..
ضرب ابرة تسمم معوي في سن 40 يوم او أبرة العشر أمراض وهذة الي استخدمها.
ضرب ابرة دود سوبر الامريكي في سن 55 حتى 60 يوم.
وتكرر بعد 13 يوم.
وأنتهى ضرب الابر إلا للضرورة لأن اللحم يتأثر بالابر والمضادات واللقاحات وما شابه.
بعد مرور 3 اشهر من الرضاعة أعزل تيوس الذباح عن الامهات في مكان وحوش خاص ونظيف جدا.
طرق التغذيه .. يجب الابتعاد عن الخبز الجاف وخضروات البيت الخس والبقدونس والجرجير وما شابه والعلف المركز لأنه يسود اللحم والسبوس المخلوط والتركيز على الشعير رقم 1 والجت والتمر.
صباحا ..
يفضل الماء قبل الاكل بنصف ساعة لتجنب التخمه.
أولا
حشيش رودس لأنه خفيف على المعده.. نظام فرنسي
8:00 حتى 9:00 جت يابس
10:30 شعير مجروش مع كم تمرة 1 كج ل 10 روس.
12:30 حشيش رودس.
5:00 شعير حب مذاب 12 ساعة في الماء مع قليل من التمر والدبس.
قبل المغرب / قليل من الجت او الرودس .
الفيتامينات كل بدايه شهر 5 ايام في الماء والنوع الهولندي .
فاتح الشهية كل بدايه شهر 3 أيام في الماء.
الذبح يكون من تاريخ 21 من كل شهر واذا حبيت تهدي حد كذلك من بعد 21 لأن الفيتامينات لها فترة امان اسبوع وانا افضل 3 اسابيع.
وبذلك تحصل على لحم جيد جدا .
وهذة بعض الذبايح المخصصه للذبح والبعض منها مخصي بعمر شهرين والسن الافضل للخصي هو بين شهرين لغايه 3 اشهر..
وتقبلوا مني أطيب الأمــــــــــاني أخوكم سحاب.