مثل ما هو موضح فالعنوان هذي الصور عبارة عن صور حلالي الصومالي القديم , كنت ادور في ذاكرة التيلفون واتفاجئت بهذي الصور وهي مصوره من قرابة ال 3 سنين يعني في 2024 و كان سبب تصويرهن هو عرضهن للبيع في المنتدى القديم واللي هو www.uaezoo.com وتم بيعهن على اخونا العضو الكتبي , العذر والسموحه منك اخويه بوسالم على عرض الصور بس حبيت ازيد بعدد مواضيع منتدى الحلال الصومالي
الصور
وهذي كانت من النوادر عندي في ذاك الزمان لأن لون راسها رمادي غامج على نيلي
وهذا كان فحلهن واتذكر اخونا بو سالم يوم وصله الحلال فالعزبه اتعيب من مواصفات الفحل
على العموم اكرر اعتذاري من اخويه بوسالم لعرض الحلال من دون شوره , الله يباركلك فيهن وفي عيالهن
تحياتي للجميع
اخوكم ياس
دوم راعي النوادر
ماينغلب من عرفناه
وكلمة حق تنقال بحق هذا الانسان
هذي الانواع والالوان سواء من البيرشن والبربري
والماعز الصومالي ماكانت إلا عند الكتبي
والحين صارت منتشره عند كل حد
وهذا المعروض يشهد
والشباب لي بقطر يثبتوا هذا الشى
حافظ عليك ياراعي النوادر
وتسلم أخوي ياس على نشر الصور
لان هذا دليل على عشق بوسالم على هذى النوعيه المميزه
من قديم وليس من حاضر
حلال فاخر
لوعندك لين اليوم كان صار قطيع
تبيع على المبتدءين مثي
ههههههههههه
الله يبارك لك في حلالك ومالك قبل كل شي ومسموح ياخوي حلالي وحلالك واحد
والمشكله اني متعلق في هالنوعيه وكت اجمع منها وبعدها دخلنا الالوان الثانيه
والحمد لله الحين الخير فضيل وفي الوان طيبه طلعت وراح يتم عرضها في المنتدى
اخوي الطارش
ماعليك زود ياخوي والحال واحد ..اللي يربي هالنوعيه ويسعى في تطويرها ويطلع الالوان بيعرف حلاه تربيتها وانته ماشاء الله عندك منهن
هاوي النوادر
تسلم الغالي على هالكلام الطيب والخير في ويهك
حياكم الله جميعاً ويزاكم الله خير على هالكلام الطيب والله يبارك لاخونا الكتبي فيهن وانا اشهد انه يستاهلهن
الكتبي
الله يباركلك فيهن وانته ريال تستاهل كل خير تعبت ونلت ويعل الله لا يضيع تعبك ولكل مجتهد نصيب وتستاهل الخير وما في شك ان حلالي وحلالك واحد يا بوسالم
سيهوان
يزاك الله خير واسعدني مرورك واللهم لك الحمد الحلال ما راح بعيد عند اخونا الكتبي وابشرك اللهم لك الحمد والمنه , اللهم لك الحمد والمنه , اللهم لك الحمد والمنه فالوقت الحالي املك اكثر من 100 راس من البربريات وعندي الوان نااااااااااادره والحمد لله على النعم
تحياتي للجميع والله ولي التوفيق
