يقولون في بوظبي يبيعون علف مركز و شامل من كل شي مدعوم و سعر الكيس بـ7 دراهم
و السواقين الأسيويين يشترونه و يبيعونه بأسعار أغلى للإمارات الثانية
سؤالي للي يعرف عن هذا العلف يخبرنا وين نحصله و وزنة و سعره وطريقة الشرى كيف هل ببطايق أو أي حد يروم يشتري
مثل ما تعرفون أسعار الأعلاف غالية و خاصة خارج إمارة بوظبي
و التجار ما راحمينا و الأسعار عالية
تمنياتي للجميع بالتوفيق
اللي اعرفه العلف الدعوم بهذا السعر واذا كنت من الشمال
اقرب مكان لك الخضر بعد الجسر غرب التسويق ع يسارك
وبخصوص البطاقه دبرلك اي رقم بطاقه عند الشباب وخذ عليها الكميه اللي تباها
علف كامل وعلف مركز واحد قيمته 7 ونص
والثاني 12 ونص
لازم يكون عندك بطاقة دعم الاعلاف(لونها ازرق)
او بطاقة دعم زراعي يعني تكون تملك مزرعة
غير هالحالتين تقدر تشتري بطاقه قيمتها 1000 درهم سنويا
وتحمل فيها نوعين العلف بسعر مدعوم والاعلاف الاخرى باسعار عادية
وانا انصح جميع الاخوان بتجربته ولكن بكميات متدرجه حتى يتعود عليه الحلال
أشكر الجميع على مشاركاتهه
سؤال لأهل الخبرة عن مكونات العلف و فوائده
و بخصوص البطاقة كيف نقدر نحصل عليها و من وين و هل نقدر نشتري منها البرايد أو الجت
تمنياتي للجميع بالتوفيق
العلف لي يتكلم عن بن شايع يقدر اي شخص يشتريه وما يحتاج بطاقة
الوزن 20 ك والسعر 7 دراهم او 7,5 مب متاكد من السعر بالضبط
لكنه نوعيه ممتازه وتصلح لجميع الحيوانات
