بعد الانتهاء من هم امتحانات العيال قلت اروح الفجيره واشوف المناظر الطبيعيه واروح عن النفس ..
والطريق الي نتخذه عادة ان انروح الفجيره عن طريق حتا وندخل عمان وانمر على صديقتنا الطيبه ام ياسر في قرى عمان وبعدها نطلع من عمان على الفجيره وهذا طريق اقصر بالنسبه لنا ….
وصورت في الطريق صور للحياه النباتيه الطبيعيه والي هي ثروه ولكن للاسف الآسيويين قاعدين يدمرونها لبيعها في الشتاء كخشب للرحلات وشب الضو…
سبحان الله نعمه كانها غابات وعلى مد البصر …..
بعدين دخلنا بين الجبال….
ومرينا في الطريق على مزارع …..
فيه شوي من آثار الامطار لازالت باقيه
وهذي الصوره لبر عمان ……
وصلنا عند ام ياسر شوفوا الفريج كيف بيوت الناس وكيف وضعهم يعورون القلب ،،،،،
لكن شوفوا الضيافه والكرم …….
غير الغدا والضيافه الي ما توقف الله يغنيهم ويرزقهم من واسع فضله…..
المهم طلعنا انتمشى وشوفوا الهوش رادين العصر لبيوتهم ولكن الطريق ضيق واحتاروا خافوا منا سيارتنا في وجهم واقفه وظلينا ننتظر وظلوا يراقبون ولكن وحده منهم خذت القياده ومشت جدامهم واتبعوها ….
ومروا على بيت وطلوا فيه اذا فيه اكل يشجع عادي يدخلون وياكلون عقب يطلعون …
لكن القياده ما دخلت فهم اتبعوها ….
وبعدها رحنا صوب البحر القريب وفي الطريق عادي اتشوفون الحمير السايبه اعزكم الله …..
كملنا لين البحر وكانت هناك آثار …..الاشجار الي اتشوفونه في الصوره هذي شجر الراك الي يعملون منه المساويك (السواك )
شوفوا منظر البحر روعه …..
حبيت اقرب اصور الموج من قريب تحمست ودبت فيني طاااقه ودي اطب واسبح
والموج شعر بالي في بالي وما وعيت والا الموج هاد صوبي بشكل ما قدرت اني اشرد 
بس عجبتني السالفه بما اني في هذا الوضع خلني مكاني 
اصور
شو رايكم
تقرير اكيد جميل ورائع
وتستاهلون
اختكم
اصيله
وفقكم الله
ولاهوب غريب الكرم من اهل عمان ربي يحفظهم
لاهنتي على هالتقرير
|
المشاركة الأصلية كتبت بواسطة نواف البريمي
 ياسلام على كرم الضيافة كم أعجبني هذا المنظر
وفقكم الله |
شكرا ،،،،،،تسلم
اعجبنا جميعا …….وصورنا هذا المنظر الجميل
|
المشاركة الأصلية كتبت بواسطة نواف البريمي
ياسلام على كرم الضيافة كم أعجبني هذا المنظر
وفقكم الله |
العفو ……..تسلم
|
المشاركة الأصلية كتبت بواسطة ملك الأبيض
|
العفو …….تسلم
|
المشاركة الأصلية كتبت بواسطة مفارق ولايف
جميل ورائع يالاصيله
ولاهوب غريب الكرم من اهل عمان ربي يحفظهم لاهنتي على هالتقرير |
تسلم ،،،،،،،احبابنا اهل عمانا
تعجبني بساطتهم وحب الضيافه عندهم
