هذي الكبسه شعبيه قديمه ومايسونها الابالبيوت يعني مستحيل أي مطعم يسويها
هذي النوع من الكبسات نسويها بحفلات الزواج وفي مجالس العزاء وفي مناسبات الأعياد وأكيد نسويها بطبخ الذبايح
حبيت أنوركم وأعلمكم هذي الطريقة وياليت تقبلونها هديه مني لكم
ولاتنسوني من صالح دعائكم حبايبي
الشرح مفصل وبالصور للطريقه
نغسل اللحم ونظفه زين ونحطه بقدر ونخليه على النار وكل ماطلعت الرغوه السوده نشيلها
بعدين نضيف عليه ليمون أسود وهيل ودارسين ومسمار ويكون حب ونتركه يطبخ
نقطع بصل ونضيف عليه كمون ودارسين وهيل وكركم وكزبره ناشفه وبزار
الطريقة الصحيحه والقديمه الدارجه نفرك البصل والبهارات بيدنا
نضيف البصل على اللحم
ونتركه يكمل اللحم نضجه وبعدين نضيف الملح
نشيل اللحم ونحطه بصينيه الفرن
نشيل الليمون الأسود وأعصره واضيف عليه معجون طماطم وقليل من مرقه اللحم وبهارات مشكله
نتبل اللحم بالصلصه
ندخله الفرن ونشغل الشوايه من فوق عشان يحمر
نضيف الرز المغسول والمنقوع بالماي بعد مانصفيه
لازم يكون الماي مناسب للرز
مايشرب الرز المرق نوطي على النار ونصب عليه ماي ورد بمنقوع الزعفران وهذي سر النكهه العجيبه
صبينا الماي ورد
نرش قليل من بودرة الزعفران
ونحرك الرز بالملعقه يعني من فوق لفوق
نفرم بصل ونحطه بقدر على النار عشان نسوي الحشوة ( الكشنه )
نتركه على النار لغايه مايميل لون قاع القدر الى البني
نرش عليه قليل من الماء ونحرك البصل عشان ياخذ اللون
بهذي الشكل ونكرر العمليه
بعد ماياخذ اللون المناسب ونصب عليه شويه زيت ونحركه على النار
نضيف الحمص المسلوق ( النخي ) نخلطهم مع بعض بهالشكل
نحضر البهارات كمون وكزبره وليمون أسود وهيل وكركم ودارسين وملح وبزار
نضيفهم على البصل والحمص
نضيف البيض والبطاطس المسلوقين ومقشرين في ناس تحب تقليها بالزيت بعد مايقشرونهم
ونخلطهم وتعالي شمي الريحه تدووووووخ
وتحملي تسعبلين بالقدر هههههههه
هلحين نغرف الرز ونزينه بالكشنه واللحم المحمر
أيش رايكم ؟؟؟
شكل وطعم ايننننننننن
والريحه على قولتهم تهووووووووووس
وحياكم ترى مافي حيا على الأكل
البيت بيتكم خذوووووووووا راحتكم
وياليت كل يوم تشرفوووووووووونا
ومداخيل الصحه والعافية
وحياكم الله
ما عرفت احط الصور لكن اوعدكم يوم اتعلم انزلها لكم
الغاليه طبخه شعبيه من وصايفها تتميز بالطريقه التقليديه
سلمت وسلم قولك ولن اقول يداك حتى ترفقين لنا الصور..
وهذا الرابط بيعلمك كيف اتنزلين صور وبالتوفيق
مشكوووووووووووووورة وتسلم ايدك ونتريا الصور
تسلم ايدك نبغى طريقة الزربياااااااااااااااااااااااااان
آمري وتدللي يالبراء
الحين بنزل لكم الصور
والسموحة منكم
