اهداء .. لخوي // ناوي
فحل افريقي .. من مراعي هولندا
و يمتاز بجرم و ضخامه و ارتفاع و حار جدا
و معظم الأفريقي الذي يربى في اوروبا
يمتاز بكثافة الشعر .. و ذلك لبرودة الطقس
سميته .. بو سير .. لأنه جا و في رقبته سير ضخم
لكن .. باب التسميه مفتووح للكل .. لأختيار الأفضل
نقول .. بسم الله .. ما شاء الله
شوف حجمه مقارنتن باكبر ماعز جامبو عندي
مسكين .. خلا الفحل القديم عندي يتفرج .. و مب قادر ايقوله شي
و شوفوا مقارنته مع الفحل القديم اللي كان ضخم
و اتوقع انه ينحدر من هذه السلاله الأوروبيه
ياخي انته ماتقدر تترك تربية البور جوت وكل مره تطلع
بمفاجئه جديده اتمنى انك تستمر في تربية هذي النوعيه
الفاخره الي من الصعب الحصول عليها في الوقت الحالي
ماشاء الله تبارك الرحمن
فحل خصم نااادر يستاهل قصيده من الخاطر
ارجو ان تنال اعجابك استاذي عبدالله
فحل اي نعم فحل ولا كل الفحول
خصم ودمه بورقوت نقي واساس
فحل وحش اسميه انا اليوم الغوول
غول البور قوت كبير الجرم والراس
اصحاب الصنف يعرفوا وش اقول
و يعرفوا أنه بور قوت اصل وساس
ام الغشيم بالصنف يتمتم ويقول
بالله عليكم هذا بور قوت يا ناس
لانه متعود على الوسط المعقول
وما شاف حلال يستاهل النوماس
ونحن نقول اخوي عبدالله عالطول
كفاك الله عيون حاسدين الناس
رايتك بيضه وعملك دوم مقبول
لانك مربي قدير تتعامل باحساس
ويبارك الله لك في فحلك الغوول
وتشوف منه حلال عدد شعر الراس
وسلامه تسلمك وتسلم حلالك اخوي
تقبل تحيات اخوك / ابو اصيل
فحل ماشاء الله وحش
على المرور و التعليق و التبريكات
و اشكرك اخوي ناوي على التعليق
اخوي / بو اصيل .. اشكرك على القصيده
و ما شاء الله عليك .. جبت الأسم الصح
الغول
و ابشرك .. ولده تراه عندك
نعم اخوي عبدالله ولده مثله تماما
وسميناه ( الطاغي )
فحل طيب الله يطرح فيه البركة
وتشوف منه الانتاج الفاخر والطيب
الله يبارك لك في حلالك ومالك
بالتوفيق بن عمي
