تحت هذا العنوان نبداء جولة هذا العام من التحدي بين المربين وأشكر آخوي سيف الدرمكي صاحب الفضل الكبير عليه وعلى أكثر من مربي بربر في الإمارات على هذا الطرح
وهذي أبيات اخويه استباق لموضوع الحصان
بو راشد دايم يفاجئنا بشد العنان
يطلق شعار التحدي بشكل ن جديد
يلي بداء بالبرابر من سنين وزمان
وزود كثير المراحات بشي ن فريد
لو تذكرون الباشا يوم حطه ضمان
والزنقه زنقه جااب رأسه ويزيد
زووود مراحات العرب لين حان
موسم بدينا الصنف به وهو يحيد
ماهي تجارة كسب بس رفقة خوان
هذا شعاري من قديم وجديد
والحق واجب نذكره ومعه امتنان
للي بداء في البرابر وقصده يفيد
ومني سلام ن عد وبل الهتان
للي جرى ودهم وسط الوريد
اخوان شما هم ونعم الخوان
عمالقة في البرابر بموقف شديد
خصيتهم بالذكر وأنا شاهد عيان
ماني اجامل حد لأجل منه استفيد
منهم وراعي جود كساب الرهان
يعطي بلا مقياس وع فضله يزيد
شهم وسنافي وفي المراجل يبان
المعدن الصافي حسبته عضيد
هو نـــــاوي النشمي وإلا كحيلان
ما يقدم إلا الخير والرأي السديد
وبالخير مسيته ابو هاشم لا هان
عبدالله الراقي يلي طبعه فريد
أرحب تراحيب الموده بعنوان
طيب القلب وخير النوايا اكيد
منزله فووق الرأس أو وسط العيان
وذكره على لسان العرب دايم رديد
والهاملي بو عبدالله له قدر ومكان
ما بين كل الناس وبه كل ن يشيد
طبايعه لا شك في هذا الزمان
ماهي بموجوده ولا كل ن يجيد
ماهوو يراوغ لك من اطراف اللسان
مخوته شرف عند كل قرم ن وسيد
وباقي المربين لهم في القلب نيشان
اخوان ربي يوفقهم على الدرب السديد
لهم معزه واحترام وقدرن وشان
ولهم غلا محفوووظ دون أي تهويد
كتبت بعض سطوور من هاوي ن كان
يتبع خطاووووي من لهم بأع ن وأيد
سرنا على درب ن خطاووويه ما تبان
من لأجل نووصل درب ماهوب بمهيد
والجاي يثبت وخذ وعد من الآن
والمستخبي يبين بكل ماهو جديد
ومن بعد بو راشد يحط عرض الحصان
نبداء على وطر التحدي على الكيد
وسلاااام من هاوي إلى كل الإخوان
والله يوفقكم على الدرب السديد
ونطلب من الله التوفيق للجميع
وترقبووا مفاجآت عالمية ببصمة إماراتية
والمنافسة مطلوبه وكلكم راعي زين والكل يمتاز بحلالله
والجميع وده يكحلان عيونه بالزين
أتمنى لك التوفيق في عروضك وعروض الإخوان
والي الإمام
أشكرك يا عزيزي هاوي الظبي على هذي الابيات الجميله ويستاهلون الجميع المدح والثناء
والله يوفق جميع المربيين والمنتجين على تطوير هذى النوع من الحلال بأجود المواصفات
وتقبل تحياتي أخوك بو محمد
اخي العزيز هاوي الظبي
دائماً ما تخجلني بكلماتك الرائعة
لا املك إلا ان اقول كلماتك
اضعها وساماً على صدري ما حييت
تمنياتي لك ولجميع الهواة بالتوفيق …..
ولكن استغل هذه الفرصه واعلنها مدوية الى الجميع بدون استثناء
ترقبو الفحل الذي سيظرب بجميع مواصفات افحل الساحة عرض الحائط
فقد تعدى المواصفات المتعارف عليها وقد اعذر من انذر …..
هااااااااااا لا تقولون بعدين راعيها ما قال ……
ملاحظة : تم كتابة الكلمات الأخيرة باللون الأحمر عمداً لأنه وكما تعرفون جميعاً
ان اللون الأحمر هو لون الخطر والتحدي فمن اراد التحدي فاليتقدم الى الساحة
وان غداً لناظره لقريب ……..
والله يوفق الجميع تحيه طيبه
