السلام عليكم إخوتي الكرام
عندي الله يسلمكم فحل نجدي تبارك الله منتج وجميل وأليف جدا لكنه في الفترة الاخيرة من ثلاث شهور تقريبا
لاحظت انفضه ورعشة في قائمتيه الخلفيتين بمعنى يمشي ويهز ريوله وأحيانا أحس أنها اتعن عليه
مما يعيق عنده التزواج عطيته الحبوب الخضر مال الماغنسيوم وفيتامينات الحديد والكالسيوم
لكن لازال يعاني من نفس المشكلة
فهل ألاقي عندكم حل لها الشي وجزاكم الله خيرا
إن شاء الله أهل الخبره ما بيقصرون وياك
جوفي الحراره
يمكن عند حمى القلاعيه
و ازربيه بعيد عن الرخل لانه اذا كانت حمى و ارتفاع حراره بيكون عدالج الحلال
من الاحسن تفحصين الحلال كله من الحراره لانه الجو قام يتغير والحلال يتعب شوي
تقبلي مروري
جزاك الله خير يا أخوي مافيه حرارة ويا الدختور وفحصه صحته تمام بس رعشة الريل هاي
عموما شكلي بوسمه مثل ما يوسمون راعين البوش بوشهم بس وين مادري 
مرحبا أخت غبيشه عطيه حبوب نحاس الخظر حبه في اليوم لمدة 4 أو 5 ايام وكل يومين عطيه أبرة ب1 — 4 مرات أنشاء الله بيغدي بخير والله كريم .
ان شاء الله يارب مع اني عطيته من هالحبوب بس بجرب الابر جزاك الله خبر بس بعدني أبا أوسمه
كنت بقول ابره فيتامين بي كومبلكس لانه زين حق الاعصاب
بس الوثبه ما شا الله عليه سبقني
و النحاس بعد زين
يا ريت لو تشوفين ظلوفه يمكن متعور فيهن و يتألم
جربي و عطيه خافظ الحراره نوفازول لانه مسكن الم اذا شفتيه تحسن معناها انه الفحل يتألم من شيئ ما
بس الوثبه ما شا الله عليه سبقني
و النحاس بعد زين
يا ريت لو تشوفين ظلوفه يمكن متعور فيهن و يتألم
جربي و عطيه خافظ الحراره نوفازول لانه مسكن الم اذا شفتيه تحسن معناها انه الفحل يتألم من شيئ ما
أن شاء الله يا أخوي المهندس بعطيه هالوصفة وان ما اتحسن بخبركم
كان بتوسمين اوسمي عند العضله لانه جربته في تيس ورد عافيته
و نسيت اقولج جوفي لسانه اذا فيها بثور او حبوب سود
