خذيت فقاسة من واحد على كلامه اوتوماتيكية وانا ماكان لي خبره بالفقاسات والفقاسه 36 بيضة وهو قالي اتوماتيكية انزين اشتريتها بـ 900 درهم لا وكان سعرها بـ 1200 ووانا سويت شئ كاني
المهم ابتلشت فيها واول ما خذيتها ماكنت اعرف استخدمها بس قالي حط البيضة وتم تقلب البيض من برا يعني مثل ما تشوفون موجود فوق الفقاسة نفس العامود قالي الصبح والعصر والليل حركه وتم كل يوم جي وحط ماي كل مره يوم تشوفه يخلص ,
وعقب اسبوعين اتصلت عليه قلت له البيض بدا يطلع منه شي اسود وريحة الفقاسة استوت خايسه محد يروم يتنفس 
انزين قالي الليت شغال قلت له لا قالي ليش ما خبرتني قلت له من اول ما عطيتني اياها والليت مب شغال وانا شدراني ان لازم يكون الليت شغال انزين عقب اقول للريال تعال شل فقاستك عدلها لي ولا ييب بيزاتي 
وصار يتهرب مني كل فترة وعقب خليته والحين الفقاسة موجودة عندي وابا حد يساعدني في تصليحها رحت اكثر من مكان يبيعون فقاسات سالتهم ترومون تشوفون شو فيها وتصلحونها يقولون لا فاي حد هني قريب مني ف بني ياس بييبله الفقاسه ويصلحها لي بالمبلغ الي يباه 
والسموحه عالاطالة
ساعدونا يا اهل الخيير
اذا تقدر توصل الفقاسه لمزارع العجبان رقم ١٩٥ ان شاء الله اقدر أفيدك بعد الفحص شو مطلوب وكم يكلف لتواصل .٠٥٠٤٤١١١٧٧ بعد المغرب
بتواصل وياك اخوي