هذي القصه اكتبها لكم استوت في مزرعتنا في مزارع العجبان /
نحن راقدين فالميلس يدش علينا الراعي الصبح ساعه 6
وطبعا هو بنقالي مايعرف عربي الا شوي
راح يوعي اخوي يقوله شيكو شيكو شيكو 
الراعي مستانس واخوي نش متروع يحسب حد من اليهال مستويله شئ
عقب سارو عند البقره وحصلنا العجل عندها ووالوقت كان عالساعه 6 /
وما نتبهنا للبقره وردينا يلسنا فالميلس لين ساعه 10 وعقب سرت عند الراعي لان هو عند العجل ويراقبه /
المهم شفت شئ طالع من ورا البقره
استغرب شو هالشئ وعقب رحت ناديت اخويه وعالساعه 12 تحرك اخويه لسويحان عسب اييب بيطري ويوم وصل البيطري كنا ف رمضان / دخل شاف العجل وطلعت درجة حرارة 40 وقال وين امه وديناه عند امه وشافها طلع رحمها الي طلع مع الولاده
وحاول يدخل الرحم ويرجعه مكانه وماقدر والساعه 3ونص قالنا خلاص انا ماقدر اكمل صعب ارجعه لانه من الصبح الرحم طالع وفيه اورام الحين وانتفخ وحجمه صار ضعف الحجم الطبيعي
وقال دورو لكم بيطري ثاني
عقب يا الليل واخوي يلس فالمزرعه ويا الدريول والراعي وابوي كان عندهم
انزين ابوي قال لاخويه رجعو الرحم باي طريقة
وابوي خبرهم رجعو الرحم باي طريقه
وماشاء الله اخوي سوا نفسه يفكر
وقام ووسعو الفتحه الي نزل منها الرحم قصوها وعقب ردو الرحم مكانه ويابو خيط وابره وخيطولها المكان
وبعدها باسبوع فارقت الحياه هالبقره الجميلة
والحمدلله ع كل حال
والعجل جلس شهر تقريباً عند الراعي وكل يوم يعطيه حليب ومن 3 ايام توفى العجل ويوم ابوي سال الراعي ليش قال يومين ما اكل ابوي هذيك الساعه عصب لان المفروض يخبر ابوي لازم نشوفله بيطري يكشف عليه
بس الحمدلله ع كل حال وابوي الحين بييب واحد يعرف للحلال لان الوالد ياب فوق ال100 راس ويباله واحد خبره مب شرات هالبنقاليه والله لا يذبحون الحلال بكبره
والله المستعان
تربية الابقار تحتاج عناية فائقة وخبرة وعمال مهره ومخلصين
ونعم مثل ما قالو الأخوان عامل واحد ما يكفي حج 100 راس
وخلو الدكتور يمر عليهن بشكل دوري
والله يوفقكم..
أولا اغسل ايدك زين بمطهر وصابون بعدين اغسل الرحم أو ما يسمى بيت الضنا زين ما زين بمطهر وديتول واغسل ذيل الهايشه وجوانبها زين عن الدم
والتراب وبعدين ادهن الرحم او بيت الضنا بزيت زيتون وسم بسم الله وحاول ترجعه للداخل شوي شوي وبعد ما ادخله لاتجمعه بمكان واحد وحاول توزعه
راخل وتبطنه وبعدين خيط مبولها بخيط اشان ماتدفع الرحم للخارج مع ترك فتحه صغيره للبول خلها كم يوم وعطها كم يوم دبه ونص حلبه مخلوطه بماي
وبع اسبوع خوز الخيط
ارجو اني افدت الجميع
ننتظر جديدك