اخواني مربي النعيم
امس الله يسلمكم كنت في عزبة ريال والريال مايربي غير النعيم والنجدي وجزاه الله اللف خير الريال ماقصر وعطاني اربع مواليد من النعيم عمارهن شهر واحد وانا يا اخواني اول مره اربي هذا النوع الي عندي كل ماعز بس لو يتكرمون عليه اصحاب الخبره في النعيم يعطوني شرح بسيط عن رعاية المواليد وطريقة التغذيه واذا في حليب ينعطي اللهم ارجو ذكر اسمه لين مايصبحون ياكلون وهل في تطعيمات الهم ولا بعدين لين مايكملن ثلالث شهور انا خبرتي بسيطه جدا في النعيم يالربع
وجزاكم الله اللف خير .
حياك الله اخوي ابو فطوم الريال كريم وانت تستاهل وعسى ربي يباركلك فيهم بالنسبه للتطعيمات اصبر عليهم لين عمر الفطم من ٣ الي ٤ شهور اما بالنسبه للحليب متوفر في كل محلات البيطره الي يبيعون للمواشي وانا انصحك انك تعطيها حليب من الضان لو عندك ولو ماعندك عطها من حليب الامعز و ان شاءالله النعيم من الحيوانات فليلة المرض وتربيتها اسهل من الامعز وتحياتي لك .
تقبل مروري
انا مجرب وتلعوزت معاهن
إحفظ لهم مكان فيه ظل وبارد شوي ،،
ولاتعتني فيهم ولا تسوي أي شي ،،
خل الراعي يرضعهم كل وحده من عنز وبس ،،
نحن حتى وهم مع أمهاتهم نرضعهم من المعز ، ونشتري أصلاً معز من شان يرضعون منها، اللي ديد أمهم خربان ، واللي مافيها حليب ، والا متاومه وحليبها مايكفي ،،
الحليب الصناعي ماينفع ، يطلعون ضعاف ونموهم مش طبيعي ،،
الجواب النهائي إنك ترضعهم من المعز وبس،،
إسمع العلم من اللي طبقه على حلاله قبل مايشور فيه عليك ،،
النعيم من الحلال اللي يتحمل وما عليهن باس خلهن يرضعن من المعز
ارضعهم من المعز اللي عندك
وان شاءالله باخذ برمستكم مثل مايقول المثل ماخاب من استشار
تسلمون حبايبي .
ارضعهم من المعز اللي عندك