جوله بين حيواناتي ودجاجي وزراعتي * 2024.

السلام عليكم ورحمة الله وبركاته

اليوم تجولت في المزرعه وكان الجو لوحه فنيه من الغيوم وزرقة السماء المتقطعه بالسحاب واطلالات خفيفه من شمس العصاري ….
اول شي اطلقت سراح مرافقي الخاص فضولي خليجية

وعلى الحشيش على طول ما صدق …

اكلمه ولا يلتفت خليجية

رحت اشوف الدجاج العربي دخلت قفصهم وشرده خليجية

اما الفرنسي فاجأتهم …يا حلوهم

رحت اشوف الفروخ في غرفة التفريخ ما شاء الله كبروا ….

طلعت اشوف الفروخ الي تم نقلهم لقفص خارجي ….

بعدها رحت لاحلى ما في المزرعه المواليد ….

وشوفوا هالعجوز الطيبه مع وليدها…… خليجية

وباين هنيه ان الفحوله اتفقوا خليجية

ولازم امر على اليتيمه الي ماتت امها وامسح عليها وادلعها ……

وامر على العمال ما شاء الله قاعدين ايحشون للحلال ….

تحميل الحشيش ….

رحت اطالع الزعتر الاخضر كنت جايبه بذوره من المانيا والحمدلله نبت ….

وقصصت منه شوي للبيت …..

وعدت للبيت تعبانه ولكن التعب راح لما لقيت هالباقه من الورود الحلوه من حبيباتي بنياتي خليجية

اخت المنتدى
اصيله

ماشاء الله تبارك الرحمن

الله يبارك لك في حلاكم ومالكم

وتشوف منه الانتاج الي يسر خاطرك

ان شاء الله تعالي

ما شاء الله حلال طيب

ما شاء الله اختي اصيله شي يفرح و يشرح الخاطر الحمد لله ان الحلال بخير بس اختي اذا ما عندك عدد كبير من الحلال النعيم او اي صنف اخر لا تكثرين من الفحوله و تغلطين غلطتيه لانهن ايتمن يترادسن يعني يضاربن و يكسرن لك الشبوك و زين ان الزعتر الالماني شب عندكم انا السنه الماضيه جبت جميع بذور الورد الكبير الي كن البذره بصله بس ما نجحت الزراعه و لا بذره نبتت سبحان الله

ماشاء الله تبارك الرحمن
غاليتي واختي اصيله اخت الوفا

الله يبارك لك في مالكم واعيالكم وفي مزرعتكم اللي تشرح القلب
وحلاكم الطيب وتشوفين منه الانتاج الي يسر خاطرك باذنه تعالى
كل ما فيها عجبني والله يجعل الخير فيها يارب دوم وابد

فكرة بذور الزعتر خطيره لاني انا بعد اجيب بذور مختلفه من ميونخ ومنها يصيب ومنها يخيب
يمكن عشان رملتنا او جونا
بس كثير من الزهور نجحت معاي وخصوصا زهور التوليب لاني خلطت الرمل الاسود برملنا ونجحت الفكره
وعلى الحول في نفس وقت زراعتها تنبت وتعطي اكثر من قبل بدون زراعتها مره اخرى

تقبلي تحياتي ودعائي لكي دائمااا
اختك في الله
لؤلؤة الاعماق
ام راكان