السلام عليكم اخواني وأحباء المنتدى الكرام
اليوم أعرض عليكم انتاجي من النجد لشهر فبراير 2024
مستقبل فحل ممتاز بإذن الواحد الأحد
أبوه ولد الصارم وأمه من حلال طيب
ولي كل الشرف أشوف آرائكم الكريمة
واترككم مع الصور: قولوا ما شاء الله
أسمح لي أخوي الكريم نحن بعدنا في شهر يناير — أما بالنسبة للطلي ما يصلح فحل لأنه أدغم لاحظ اللون الأسود في مقدمة الرأس — و لا فيه أي مواصفات فحل من جمال و كبر الراس و طول الرقبة و الشعرة الحرير و البراص —- أنصحك أدور غيره خصوصا ان حلالك طيب ما شاء الله —- بعدين أنصحك بإزالة الأحجار من الزريبة علشان ما أضر الحلال —- و السموحة منك أخي الكريم
مشكور. اخوي لملاحظتك بخصوص شهر فبراير . نعم هي بالغلط. 🙂 ويكفي انك تعطينا من وقتك للنصح
نا ما قلت انه الطلي مواصفات ابدا لكن قلت انه بيكون فحل مثل اي من الخرفان يوم تكبر
وبالنسبة للحجر هذا مكان فقط للتصوير مب مكان الرعي. وان شاء الله يرزقنا الزراق بطلي مواصفات قريب ،
وعلى كل كلي سعادة بمرورك ونصحك وهذا. نتوقعه من كبار مربي النجد حتى يستفيد الجميع من خبرتهم
وتحياتي لك
نا ما قلت انه الطلي مواصفات ابدا لكن قلت انه بيكون فحل مثل اي من الخرفان يوم تكبر
وبالنسبة للحجر هذا مكان فقط للتصوير مب مكان الرعي. وان شاء الله يرزقنا الزراق بطلي مواصفات قريب ،
وعلى كل كلي سعادة بمرورك ونصحك وهذا. نتوقعه من كبار مربي النجد حتى يستفيد الجميع من خبرتهم
وتحياتي لك