جربتها في الاجازه و نالت اعجاب الجميع
التتبيله سهله و بسيطه و مقاديرها متوفره في كل بيت
بسم الله نبدأ
اول شي الربيان و يفضل الحجم الكبير
4 كيلو قبل التنظيف و بعد التنظيف صار وزنه 2 كيلو وربع
لا تشيلون الذيل
بعد تنظيف الربيان غسلوه و نشفوه زين
اكرر نشفوه زين من الماي بفوطه نظيفه او كلينيكس المطبخ ضروري تنشفونه عشان يتشرب التتبيله
مقادير التتبيله
1- ملعقتين صغار ملح
2- ملعقه صغيره فلفل اسود
3- ملعقه او معلقتان صغار فلفل احمر خشن
4- ملعقتين طعام ثوم مفروم
5- ملعقه طعام زنجبيل طازج مفروم
6- 3 ملاعق طعام زيت زيتون
7- عصير خمس ليمونات متوسطات ( ما عليكم من الصوره فيها 3)
8- اربع ملاعق كزبره خضرا مفرومه
هذي صوره المقادير
و هذي التتبيله بعد ما خلطناها
و هذا الربيان بعد ما تبلناه
بعد تتبيل الربيان خلوه في الثلاجه لمده نص ساعه قبل لا تشونه
و هذي النتيجه الفتاكه 
أشكرك جزيل الشكر يا بش مهندس على موضوعك الأكثر من شيق والأكثر من ممتع والأكثر من لذيذ
وبصراحة قلة قليلة من الناس اللي ما يحبون الربيان ، لأنها من الكائنات اللي تاكل نباتات ومستساغة من المستهلكين
لكن بالنسبة للشوي على الفحم .. أنا جربت أكثر من مرة .. وبأحجام مختلفة .. وبخلطات متنوعة .. لكن للأسف في كل مرة يطلع الروبيان يابس بعد الشوي
لكن لو نفس الخلطة .. ونفس الحجم من الروبيان .. وتسويه بالفرن .. أظن بيطلعلك شي فوق الوصف
تقبلوا مروري وتحياتي القلبية
.
بإنتظار يديدك
/
احترامي
|
المشاركة الأصلية كتبت بواسطة الجرجاوي
 السلام عليكم ورحمة الله وبركاته جميعا
أشكرك جزيل الشكر يا بش مهندس على موضوعك الأكثر من شيق والأكثر من ممتع والأكثر من لذيذ وبصراحة قلة قليلة من الناس اللي ما يحبون الربيان ، لأنها من الكائنات اللي تاكل نباتات ومستساغة من المستهلكين لكن بالنسبة للشوي على الفحم .. أنا جربت أكثر من مرة .. وبأحجام مختلفة .. وبخلطات متنوعة .. لكن للأسف في كل مرة يطلع الروبيان يابس بعد الشوي لكن لو نفس الخلطة .. ونفس الحجم من الروبيان .. وتسويه بالفرن .. أظن بيطلعلك شي فوق الوصف تقبلوا مروري وتحياتي القلبية . |
شرفني مرورك و اسعدتني مشاركتك
الربيان ما كان يابس ابدا
كان juicy
بكشف لك اسراري و بقولك طريقه الشوي
هذا السر
انا حطيت الربيان و غطيت الشوايه لمده 4 دقايق
بعدين فتحت الشوايه قلبت الربيان و سكرت الغطا لمده 4دقايق و صار الربيان جاهز للأكل
انا صار لي سنتين استخدم هالنوع من الشوايات
مريحه جدا و اللحم او الدجاج ينضج بسرعه بدون ما يحترق او ينشف
ممكن انك تشوي اللحوم و الدجاج على مرحلتين
المرحله الاولى بدون ما تغطي الشوايه عشان يتحمر اللحم و ياخذ اللون المطلوب
المرحله الثانيه تغطي الشوايه عشان ينضج اللحم او الدجاج من الداخل
فيه الكثير من الطرق لاستخدام هذا النوع من الشويات
اتمنى اني افدتك يا خوي
|
المشاركة الأصلية كتبت بواسطة ملك الأبيض
|
|
المشاركة الأصلية كتبت بواسطة نواف البريمي
تسلم ايدك اخوي شكلها وجبة لذيذة
بإنتظار يديدك / احترامي |
|
المشاركة الأصلية كتبت بواسطة صاحبة حلال
بالعافيه و بنجرب الخلطه ان شاء الله
|
تسلمون يا اخوان
و اشكركم على المرور و التعليق
الصراحة , جوعتنا يا باااش مهندس.
أنا شكلي بشتري هذي الشواااايــه , خطيييرة ماشاء الله ( هل بلاقي مثلها في المينا )
و طبخة الربياااان لاااازم نجربها تحياتتي لك
أخوك
أبو الحارثث
بالعافيه عليكم
بالنسبه للشوايات انا استعمل هذا النوع وبطرح موضوع شوي البطاطا وشوف الشوايه اصغر حجم من هذا النوع ولكن البطاطا ماتاخذ وقت اذا سكرنا عليها الغطا تستوي بسرعه..