الادارة المحترمين 2024.

اخوي ابو وائل

بداية يطيب لي ان ارحب بك في منتدى اغنام الامارات

فحياك الله ويامرحبابك

وياخوي بو وائل انت اكبر من كل الكلام اللي بينقال في حقك

ومثل ماقال المثل لاترمى الا الشجرة المثمرة

وانا نيابة عن كل اعضاء ومشرفين هذا المنتدى

اتقدم بالاعتذار لشخصكم الكريم عن اي خطأ قد بدر من احد اعضاء المنتدى

ونتمنى ان تعم الموده بين جميع ابناء الخليج

ودائما المنافسات يكون فيها بعض الاخطاء والمناوشات

واتمنى ان تقبل اعتذارنا

ولك ارق التحيات ِ

بوائل
حياك الله وبياك وكان يجب عليك البدء بالسلام …. عالعموم
السلام عليكم ورحمة الله وبركاته

أولا خليني ابدامعاك مع اخوي محمد ,,, واللي مثل ما ايقول المثل عليه … ضربني وبكى وسبقني واشتكى …
للاسف هذا ما حدث بيني وبين الاخ محمد …

وانا عندما قلت مخلفات هذا ليس تجريح فيك اخوي بوائل وانما ف الحلال وهذا حق اي عضو حسب ما يراه .. وهذا لا اظنك تمانع فيه ..

فكذلك اخونا السويدي جرح في الحلال المعروض .. فهل من العدل والانصاف ان اخبر صاحب الحلال الذي اشتريت منه ان السويدي قد جرح وعذرب فيه .. الجواب لا
هذا وجهة نظره هو … مثل ما كانت وجهة نظري في حلال محمد ….

انا يوم اجرحك لشخطك يا ابو وائل ..عقبها تعال وخاصمني … لكن انا انتقدت الحلال وهذا حقي الشخصي ..
مثل ما حدث لك اخوي بوائل في منتدى "سوريات "" وانت تعلم ذلك .. وقد انسحبت انته منه ..

فانتقادي للحلال ومصدري هذا حق اي عضو بعديدا عن التجريح …

والنهاية
وان لم تقتنع بهذا اخونا بوائل
فإني استسمحك عذرا ان تنسى ما كتبت سابقا … وصدقني يا ابوائل لو رايت ماكان يكتبه اخونا محمد ومن لفظات التجريح .. لكنت قد عذرتني ..

والسلام عليكم ورحمة الله

ســـــــــــاري

بسم الله الرحمن الرحيم

السلام عليكم ورحمة الله

انا اطلب من الاخ ساري في هذه الجمعه المباركه واستحلفه بالله بأن يبين لنا من بدأ امام الاعضاء من بدا بلاغلط في حق الثاني عندما كنت انا في منتدى اغنام الامارات في مسابقة مع اخوي حسن المريخي واتيت انت بعرض لجفر تطلب مني الراي ورديت عليك برد جميل وقلت بأن الصخل مواريه طيبه وباشرت انا عروض للمسابقة وعندما رجعت لردك على ما كتبت واذكره والله بالحرف الواحد وعلى استعداد على اقتباسها وتشهيد الناس عليك عندما قلت " انا كنت حابب اشوف السويدي راعيها والا طاير في الهوا " مما اثار استغرابي واستعجابي من هاذا الرد وكانت لك اول مشاركه لك حيث لم نسمع او نرا اي مشاركة قبلها وهذا حتى تتضح للناس جميعا من غلط في حق الثاني.
وتطورت الامور وتناقشينا عن ابو كتيفه وعن حلاله وهكذا وانت كنت تتصل بخالد العقيل الملقب ( بواحد من الناس ) تطلب منه المساعدة بالرد على كتابتي لضعف معلوماتك وهذا الكلام قاله لي خالد اخر مره في مزاد مسره . واتيت انت تحلف بالله بأن السويدي يتصل بفلان وعلان حتى يأتي بالأجوبه على أسئلتي وكان هذا العكس وقلت لك جوابي مكتوب من سنتيين وليس من يوم او يومين ولكن انت على استعجال دائم تظن مني اني متفغ للرد على اجوبتك وتأخرت عليك يوم واحد لظروف خاصه ولكن جعلت الامور تسير حتى اصل معك الى النهايه وقلت لك انا لا اتصل بحد والجواب مكتوب لك يا ساري من سنتين تستطيع قرأته بنفسك مع انك حملت نفسك ذنب وحلفت بالله اني انا اتصل بفلان وعلان وهذا الكلام يحدث بالعكس.
من بعدها انتهت السالفه والمواضيع اللي بينا لفتره على خلاف بحيث ان حلال بوكتيفه هل هو على تشريك اما صافي من التشريك…..وانا اختصر الكثير مما قيل في تلك الغتره حتى اتى الاخ راعي وصايف وقال كلمة حق في هذا المنتدى وقالك يا ساري ان رأيت مم رأيت بأنك تحاول تستفز محمد من منتد اغنام الامارات السابق ولم يسلم الرجل منك. وجمعت لك حزب معين في هذا المنتدى حتى تطلع على حسابي بالتضليل والمهاترات
بعدها انا الذي بدأت عندما قال الاخ عبيد المزروعي في موضوع له الزين يفرض نقسه بأن الزين يفرض نفسه سوا اكتيفي او غيره ولا اعلم لماذا اتيت بأسمك وانا لن اكذب وقلت الاخ ساري شو عنده والمقصد هو بأن ساري لا يملك ما يملكه بوكتيفه ومسره والعمرو والصويلح والسويد وبوحويدر وانا كنت اقصد كبار المربين اي بمعنى اخر لا توجد مقارنها بحلالك الذي تشتريه بالفين مع حلال الاخرين ورجعنا على نفس الدوامه وبقينا على نفس الخلاف………..
مرت الايا يا اخوان واتيت لهذا المنتدى ومن اول عرض كأهداء للمنتدى ولم اذكر من اي شخص طلب الراي لأن اول شي كل شخص وله رايي والشي الثاني انا اعرف ما املك من معمق وطيب ورس معروف وكانت الجفوه بعيده بيننا الاثنين ارجع واتفاجأ منك يا ساري ترجع الى عادتك تعذرب في حلال وقلت ما عليه خله ايقول رايه مع اني ما طلبت الراي وكتبت اخر كلامي بعد شكر الاخوان اللي ما ايعرف الصقر يشويه
وبدأت يا اخ ساري تقتبس كلام وتجرح في مواضيع كتبتها من سنين رغبة منك بطفاء نار الغيره والحقد الذي تولد عندك من دون اي اسباب وانا ساكت ومطوف حتى ذكرت بأن خل ينفعك الشريطي ابو وائل وقلت لك عيب يا ساري تذكر اسم ابووائل وابو وائل انسان كبير ومنتج كبير انتج الفحل سنام ومربي الفحل نوماس وغير وغير ويملك الحلال الكثير والمتميز وهو قادم الى الامارات فارجوا عدم زج اسمه في هذه المهاترات وقلتها لك بالحرف الواحد لا تكررها لأنها ليس في مصلحتك واذا ستكرر انا سأتي بأبوائل الى عزبتك وسأجعله يدفن وجهك في الشيره ( الشجره )
رجعت وكتبت شريطي انت وياه وضاحك على العالم ومبيعنهم فحل ب 6000 الاف اين الذمه والضمير الذي تتكلم عنها يالسويدي ؟ وسكت عنك لأن هاذي ارزاق من عند الله
وكملت حديثك وقلت لا انت ولا ابو وائل ولا اميرها ولا طوايفكم تقدر تدفن ويهي في الشيره وقلت للك اذا لم تنتهي من هذا الكلام اطلع الحين بروحك وخلنا نتلاقى والساعه كانت على حدود اذان الفجر وكتبت صدق ان ياهل ورجعتنا الى سوالف اليهال يالسويدي اشوفك وعطيتني رقمك على الخاص.
واتصلت فيك وتكلمنا بأسلوب وقلت لك بأن ما كتب في حق الامير وابووائل وحقي غلط كبير يا ساري وهذا لن يفيدك بشي انما سيأذيك ويشوه من سمعتك واتفقنا سويا عى مسح كل ما كتب قبل ان يصبح الصبح وترا الناس والاخ ابو سما يومها كان صاحي وشاف كل ما كتب وعلق على الموضوع وكتبنا له نحن الاثنين جزاك الله خير.
وطلبت مني يا ساري انا نقيم مسابقه وديه دون تجريح وكلام
و بعد ما عرضت عنزك عرضت عنز ورجعت يا ساري وكتبت يا السويدي لا اتضحك العالم عليك الفوتو شوب واضح فيها ومع انه كان اتفاقنا دون تعليقات وحلف لك بالله العزيز اني عمري لم استخدم فوتو شوب في حياتي وصممت على اني متلاعب بالصور كأني لم احلف لك بالله العزيز وتحاول ان تستبعد الناس عن عرضي للمسابقه بأسأله كنت اقولك انشاء الله راح تلقى الجواب بعد المسابقه وضللت طول المسابقه على هذا المنوال الى كتبت مره اخره عن ابو وائل بأن هاذي مخلفات ابو وائل وقلت لك هاذي لم تشترى من عند ابو وائل هاذي اشتريتها من مزاد مسره بعد ما تمت عليها المساومه من كبار المربين ورجعت وكتبت كلام في الهوا وكله تطبيل لمزرعة مسره والشله وحده والكلام موجود حتى الان. بعدها ان فقدت اعصابي لأني لم اجد فيك الرجوله الكافيه للتعامل معاك.
ومع هذا كله ترجع وتسب المعزا للكتيفيه والمردده وكان عرضك يوم المسابقه فحل مردد ولد الهدد حيث وجدت في التناقض الكبير ؟؟؟؟؟؟؟؟؟؟؟؟!!!!!!!!!! ولم القى له جواب حتى الان.
بغض النظر عن م عرض او غيره لكن ما كان لك حق تغلط على أبوائل واتقول عنه ما قيل وهو اشهر من نار على علم في عالم العوارض ويملك من المعز الطيبه وطلعته شريطي وطلعة عروضي انا بزج اسمه مره اخرى بأنها من مخلفاته.
وهاذا يا اخوااااان ويوا ادااااره ما حصل
وانا لن ابرء ذمتي ابدا ولكن متى اتيت بالغلط عندما اعلنت انسحابي وانتهت المهاترات الذي فعلها ساري وقلت لازم اخذ حقي منه واشتمه مثل ما شتمني. يعني الحديث والسب والمشحنات بيني وبينه
اما انك ادخل ابو وائل والامير هاذا ليس له تبرير ابدا وحتى بوكتيفه اللي عرضة من رس حلاله لم يسلم منك وطلعت مزاد مسره لعبه ملعوبه وان كل ما بيع فيه من المخلفات وغيره.
انا جبت لك ابؤال وبرر موقفك لو سمحت.

مشكور اخوي بواحمد لترحيبك وشرف لي وجودي مع اخواني في مدونة اغنام الامارات واعتذارك عن الآخرين يدل على سمو اخلاقك شاكر لك حسن اخلاقك

اولا حصل بينك وبين محمد نقاش في الحلال خل الانتقاد في الحلال واترك الكلام اللي يسيئ لك وللاخرين فكلمت مخلفات كلمة غير لائقة ولا اقبلها ولايقبلها اي شخص يحترم نفسة ولو انك قلت ان هذة العنز لاتعجبني فهذا رايك فقد تكون على صواب او يكون هذا اللي تعرفة
ثانيا لم يحدث في منتدى سوريات ان قال لي احد هذة الكلمة فقد اختلف مع احد في وجة نظر ولاكن تبقى الالفاض بحدود الادب ثالثا لم انسحب من منتدى سوريات ومن نقل لك هذة المعلومة فهي معلومة غير صحيحة
رابعا يبقى ماحصل من نقاش بينك وبين محمد شخصي بينكم ولا دخل لي بة وسوف انسى ماكتبت واعتذارك مقبول
واتمنى ان نبقى اخوة تجمعنا هذة الهواية على المحبة والتقدير بعيدا عن التجريح والكلام الذي لايليق بنا جميعا
وسلامي لك ولجميع الاخوة في المنتدى

بيض الله ويجهك يابو وائل

والعفو عند المقدره

والشاعر يقول

الخطا يحصل ولاينكر

لكن هل العرف يرفونه

(( يرفونه )) يعني يرقعونه او يسترون عليه ويسامحون من اخطأ عليهم

واتمنى ان يبقى الاخوان ساري ومحمد السويدي اخوان واصحاب

وصدقني لو انهم يتعاونون مع بعض راح يطلعون بانتاج عالمي من العوارض

وهذا ما اتمناه

واللهم اصلح شأن اخواني واهدهم الى الصواب

سلامك واصل اخوي بوائل
تحياتي لك

[b]الآخ / عبدالحمن العنزي — أبو وايل سلام الله عليك ورحمته وبركاته

يا مرحبا بك في هذا المنتدى ويا هلا

وأرى أن مالك حاجه في هذا الموضوع الذ سبق ان خبرنا أخونا محمد بالعبد السويدي أن يترك الجدال مع ساري

وانا انصح الاخ ساري كذلك مع اني ما اعرفه ولا سبق لي مقابلته وهو رجال فيه خير وكل الرجال فيهم خير ان شاء الله ان يبتعد عن النقاش

و محمد وساري صاروا ماركه هواش وجدال ونزل الكلام منهم الى مستوى هم ارقى منه
انا اشوفه عيب ولا يجوز

انا لهم عندي راي اما يتركوا الكلام الهزيل بينهم ويترفعون الى الكلام الجزل والحشمه والكرامه

او نتركهم في فالهم وهذا طبعهم وصعب تغييرهم
ونحن نتحرى فيهم الخير والابتعاد عن المجادل ترى الجدال يقلل من قيمة الرجل

الاخ ابو وايل ارجوا ان تبتعد عن هذا الموضوع ولا يزجون بأسمك فيه ويدخلونك في نقاش ما خوذ خيره

وارجو من مشرف المنتديات ان اي موضوع يتناقش فيه محمد بالعبد السويدي وساري ان يقفل لان نحن نحترمهم ونقدرهم وهم بهذا النقاش يقللون من قيمتهم في نظرنا

ارجوكم والله عيب رجال تنزل الى هذا المستوى من النقاش

اخوكم جابر غصاب على الفهيد الهاجري
ولكم هديه هذا البيت من الشعر للشيخ الصباح رحمه الله

لا يغرك المنزل زخاريفه أشــكال—— ماهوب عبره عبرته في أساسه
بعض الرجال أرجال والبعض أزوال ——- لو كان أغلبهم تشابه لباســــــــه
منهم برايه للشرابيك حـــــــلال —— ومنهم برايه أذا صفى الماي حاسه