اتخص الثروه الحيوانيه بشكل عام وتبادل الخبرات
لفت انتباهي من فتره مشاالله على الشباب امركزين على اغنام صلاله او الصلاليات طبعن لاشك في ذالك خصه
الجيشيات والمرششه وطبعن الاسعار حدث ولاحرج شي ب500 وشي 2500ب درهم فعاد انا بغية اعرف لايش الاسعار بالطريقه هذي
قمة وسرة جدا صلاله لئنه انا ابغي اشتري مجموعه طيبه للأنتاج وهناك عرفة كل شي اول حاجه الجماعه ما يبيعون
حلالهم بالسهوله يحافضون على الكميه والسلاله وثاني شي كل عزبه فيها مايقارب من الحلال300 و500 وفي 50 و100 اللي عرفته
ان كل واحد في العزبه من اصغير او اكبير يمتلك حلال سوائن اصغار او اكبار فيوم اتي عشان تشتري المميز اقولك هذي مال
افلان او مال افلانه شاورهم يوم اتشاور قالة لا ما ابيع او لا ابغيها فهنيه تحتار شو اتسوي واذا شي للبيع قالولك هذي
المجموعه اللي عارضينهن للبيع طيباة من حيث اللون او العمر او الجنس ذكر او انثى السعر من 80 ريال الى 120 ريال وبالاخص المرششات
والجيشيات والخوارط طبعن عرفنا الاسعار وليش غاليه ردينا على وسائل النقل او التوصيل من صلاله الى دبي رمسنا اكثر
من 6 اشخاص كل واحد حط سعره طبعن الاسعار ماترضي حد قال 600 ريال وحد قال 500 وحد قال 550 الكل يعر الصرف 600
تعادل 6000 درهم فردينا على السالفه من يديد الحلال غالي والتوصيل غالي وغير ذالك في معضله غير انه مايطوف من
الحدود العمانيه ممنوع عندهم قانون حماية الثروه الحيوانيه واذا حد حاول انه ايهرب وصادوه راح فيها مناه المعضلات اصبحن
ثلاث اول حاجه المشترى غالي وصعب والثانيه المواصلات غاليه والثالثه ما يطوف من الحدود ياشباب اذا حد عنده ثقره
انيب نشتري الحلال من صلاله او الامارات بسعر طيب او التوصيل ايكون ارخص من ألي ذكر او حد عنده ناس يصرحون
المواشي اطوف انا ما اخفي عليكم حصلة كذا واحد ولاكن لين الحين ما ياني رد مائه بالمائه بخصوص السعر او التوصيل و
التطويف ياشباب اذا حد منكم يقدر ايرتب حاجه بنتواصل وياه اهنه او في عمان اخوكم بو سعيد للتواصل 0506770028 او 0509847774
مرحبا اخوي اليزاف22
كم تبغي اتوصل سعر الصلاليات في الامارات
.. اذا سعرها في الامارات بين 500-2500 درهم حسب كلامك وهذي اسعار معقوله .. ويوم سرت عمان حصلتهم بين 80-120 ريال يعني بين 800 – 1200 درهم لانه الزين ماينباع في عمان هذا الي فهمته يعني سعرها في عمان اغلى من الامارات .. ليش تبا تيب غنم من عمان .. والامارات فيها خير ماشاء الله .. واذا مب مصدق خذلك لفه خمس دقائق وصفح منتدانا وشوف واذا عيبك شي اكيد الجماعه مابيقصرون و بتحصل شي تشتريه .. والمربين عدنا صراحه اكثرهم ابيعون ويتعاونون في الاسعار وخصوصا مربين الصلاليات دون عن باقي الاصناف مب مثل العوارض الى توصل باسعار غاليه والنعيم شوي غاليه والنجد عاده حدث ولا حرج .. بس الصلاليات لمرششات او الجيشيات والخرايط كلها متوفره في الامارات ورخيصه وماترزى المعاناه الى عمان وتهريبها ..وبعدين التهريب حرام 
.. وماعتقد في حد بيساعدك في معصيه الله عزوجل .. لانه القانون في عمان يمنع ذلك ويجب احترام القانون العماني .. ومانصح حد ايدور ثغره في القانون لانه حرام .
ياخويه مادري شقولك لانك بصراحه رابط راسك بدون ويع .. ولى عنزة الفريج ماتحب الى التيس الغريب 
مادري اخوي شوغرضك من احضار اغنام من عمان للتربيه او للتجاره خصوصا ان اسمك يزاف.. يعني تاجر تبى تكسر السوق على اخوانك المواطنين .. اذا تبغي اتاجر سر وتاجر في العيش والطحين واعلاف الحيونات افضل عشان تقلل علينا التكلفه 
.. وشرط انبيعلك برخص
تحياتي ،،
تحياتي لك ومشكور على هذا الاهتمام كله اخويه اول حاجه انا ماقلة يا جماعه قومو هربولي الغنم وثاني حاجه انا ما
ابغي اكسر السوق وثالث حاجه هدفي غير عن اللي في ذهنك على العموم اخويه كلامك احترمه وماعندي مشكله
في اللي قلته اخويه الماموث انا قصدي غير ولاكن انته خذتني بشراع وميداف مهب مشكله اول حاجه ربعك هم
السبب في سيرتي صلاله اول واحد يت عنده وقلتله اخويه بكم قال هذي 2000 وهذي 2500 وهذي 1800 قلة
فخاطري ليش ما اسير صلاله واشوف الوضع والحمدلله اني سرة ولا جان لين الحينه امغمض اخويه انا ما الومك على
تفاعلك في الموضوع اخويه ربعك اللي يبونهن ارخاص اهناك 300 و400 درهم يسون اما انا اللي اكلمك عنهن غير
العمر 8 اشهور بكر يعني مش ملقحات وجاهزاة للانتاج وثاني شي الالوان لمرشش بمعنى الكلمه والجيشي صح
والخوارط الوان تحتار نوادر يوم اتقول نوادر مب يايبلك عيوز يالله جان يابت بطن واحد او لحسة القار وعلى فكره سعر
الزين حق اهل صلاله غير ارخص ولاكن حقي انا والغريب اغلا وانته اخويه الماموث يوم اتقول انه التهريب حرام نحن
انعرف هذا الشي انا اقول من وين يايبين الناس اكيد في ثقره مش معنا الثقره يعني تهريب عيل اللي عند الشيوخ
مهرب واللي عند الناس لكبار مهرب واللي عنك مهرب ليش تتكلم بالطريقه هذي عمي انته يمكن من الناس اللي
تشتغل على الصلاليات ولا ما بتتكلم بالطريقه هذي اخويه الماموث احترم نصيحتك ولاكن انته ما شفت اللي انا شفته
جان غيرة رايك فيني على العموم النصيحه خذناها والكلام الباقي احتفض فيه لنفسك يمكن ينفعك في المستقبل
القريب وانا اردد واقولك ان سرة صلاله وشفة اللي انا شفته صدقني اول واحد بتذكره هو انا المشكله اتقول شي
وفي الواقع شي اخر انا ما الومك اذا ما كنة تشتغل هذي الشغله سر كحل عينك وخلاف الكلام بيطلع وبتقول صدقه
بو سعيد تحياتي لك يا اخويه الماموث
ليش لنك اول واحد عطاني دافع واليوم حطيتك في بالي باجر بتي الاخبار الطيبه وفالك طيب يا الراعي اللي تامر عليه من الحلال
بيكون عندك وبراس ماله اخويه الراعي الناس لناس مب اخونا الماموث طاحبي وخذني بشراع وميدف الله يهديه ويهديني
التجار مبالغين بالاسعار وانشاء الله تحصل مطلوبك
تحياتي……
الاعدام اتشرف بمعرفتك وكلامك اثلج صدري وانشاالله يوم السبت انا طاير ابغي صلاله والاخبار الطيبه وصلة وفالك طيب يالاعدام امر
امر تحياتي لك اخوك الصغير بو سعيد
اخوك بوعمير البلوشي
وانصحك تأجر موتر ارقام عمان وتلبس كندورة عمانية وقحفية عمانية وارمس عماني عشان مايقصوون عليك ويبالغوون فالسعر
تحياتي…..