عندي مشكله و لا عرفت اللها طريقه
طبعا سالت المنتجين الي حولي ولكن كل واحد ابدى راي و مشيت عليه ولكن دون جدوى مثل ما يقولون
المشكله هي
بعد مرحله التفقيس
و خروج الصيصان من الفقاسه و دخولهن الحضانات ….
تموت عندي كميه كبيره و السبب مجهول طبعا حد من الاخوان قالي استخدم الفيتامينات
و مشيت على شورهم و استخدمتها و زادت النسبه في الموت
قالوا الجو حار … دخلت الحضان في مكان مسكر و فيه تهويه و مكيف و دلع ولا اروع ..
و ما زال الموت مستمر
و صلنا لاول اسبوع و وقت التطعيم …
حطيت التطعيم … و اتفاجء بموت عدد كبير من الصوص و ما زال السبب مجهول ..
و بما اني توني في بدايه مشوراي مع التفقيس ياني احباط مش طبيعي ..:d
بس سوالي هو …
قد حد منكو ياااه او مر بالي انا مريت به …؟؟
و اذا كان الجواب هيه ….
كيف تعاملت مع الموقف هذا …
الله يبعد عنكم هالموقف بس صدق شي عجيب
و ما شاء الله الاخوان في المنتدى كلهو من اهل الخبره فياليت ماحد يبخل علينا بالمعلومات
و منكم نستفيد
السموحه على الاطاله و في انتظار ردودكم الطيبه
منصور الظاهري
نعم انا من العين و بيوصلك رقمي على الخاص
اهلاوي و افتخر
درجه الحراره في الفقاسه 37.5
و ما تزيد و اذا زادت توصل لين ال 38
و ترد تنزل …
العيب مش من الفقاس
العيب من بعد مرحله التفقيس ..
و الدليل انه الموت ما زال مستمر لغايه الحينه و بشكل مش طبيعي
درجه الحراره في الغرفه الحاليه معتدله و فيها تهويه و الاكل بعد متوفر + الماي
عشان جي طلبت منكم المشوره
السلام عليك ممكن تصور الفروح المريضة جزاك الله خير صور للوجه وصور لماخرة الفرخ مكان السرة ولو سمحت نوع الاكل
الله يكون في عون الجميع
و تسلم الشيخ
shamo
عليك السلام
ان شاء الله الحين بنزلهن
اهلاوي
المكان نظيف الحمد الله
و يتم التنظيف عنه 3 مرات يوميا
لاتنسى نوع العلف جزاك الله خير
0509978830
مزرعة طيور الختم
راشد منصوري
وشكراا