السلام عليكم و رحمة الله و بركاته
اخواني انا رتبت مكان و فيه تقريبا 20 عين و كل عين تشل ديج و اربع ديايات
و بغيت اركز بس على التايلندي و الباكستاني لان مناعتهم عالية و تربيتهم حلوه
لكن انا للأسف ماعندي اي خبره في النسول و الالوان و ماعندي اي معلومات
فياريت من احد الاخوان يخبرني في شو ابدا .. و كيف الترتيب و شو الي اشتريه فالبداية
لاني ماعرف اميز المستويات في الباكستاني اذا زين ولا لا
و انا بإنتظار ردكم لأفادتي بخصوص الموضوع
شاكر لكم جزيل الشكر
تحياتي
اخوي اهم شي ميزانيتك فالبدايه يعني كم تقدر تدفع … واختصارا للوقت ابدا بطقم يتكون من ديج و3 ديايات من اعلى المستويات … عشان تبدا الانتاج الصح من البدايه … تشتري ديج نسل ب 1000 درهم وسعره فيه … ولا تشتري ديج ب400 وتضيع فلوسك على الفاضي .. لا انتاج ولا نسل ولا مستوى … بالنسبه للالوان ابتعد عن اللال ( الاحمر ) والبوليا … لانه هاي اللوان غير مرغوبه وعاديه جدا … وعندك باقي الالوان الخاكي والميتا والجاوا والنارنجي والتيترا والهيرا ( الابيض خالص ) … من ناحية النسل عندك السندي معروف بالطول ..والشانجرا تاجه كبير ونادر جدا .. والماديا ذيله قصير يشبه الدياي ..والميوالي قصير وعريض ..وانا انصحك بالسندي
واذا تبغي الانتاج السريع والكبير لازم مكينه واذا مجرد هوايه مايحتاي تشتري مكينه … طبعا السؤال الاهم من وين تشتري الدياجه والدياي طبعا المنتدى فيه كثير من خبراء الديياي الباكستاني ومن المواضيع بتعرفهم … لكن بخصوص الديياي التايلندي اشوف في خبير واحد من وجهة نظري وهو ملك الاف جي بس الله يعينك من السعر هههههههه … وانشالله استفدت ..واي سؤال ترانا حاضرين
استمتع بالتربيه وشوف انتاجك راح تحصل على الوان حلوه
انا بديت بديج احمر سندي ودجاجه حمرا والحمدلله الالوان طلعت عندي في الصيصان ابيض واسود واحمر
الحلو في الباكستاني المناعه قويه وامراضه قليله
الله يوفقك في حلالك ويبارك لك فيه
كلام اخوي عبد الله (روستر) سلييم100% و اذا طبقت كلامه امورك في السليم ان شاء الله بس عليك بالتطعيمات على بدايه كل شتاء بس عندي ملاحظه على اخوي عبد الله ديج ويا 3 ديايات اتوقع الديج بيتعب لو اتحطله ديايتبن احسن و الثالثه اتحطها يوم وحده من الديايتين بترك على البيض واذا عندك اي استفار حاضرين
و السمووووحه
في انتضار رد استاد الدياجه 
إن شاء الله أهل الخبره ما بيقصرون وياك
النوعيه افضل من الكميه ياخوي
الكميه بتتعب من وراها مشاكلهم ماتخلص خاصه لو مبتدئ
الافضل تبدا بطقم مميز شرات ماقالو الشباب وتنتج منه وعقب سنه تكون تنتج من العيال والنسل مميز كما هو ونت عارف شونسل الحلال
انا طبعا اعشق الفيتنامي والتايلندي والشباب يحبون الباكستاني والمتوفر بكثره الباكستاني
من ناحية المواصفات الباكستاني قوي وعريض والتايلندي رشيق وانيق وقوي والفيتنامي يجمع بين الثنين
ومثل ماقالو الشباب لاتقرب صوبي ترى غالي هههه
الله يوفجك
السلام
أخوي
انصحك تاخذ باكستاني بياض لا تاخذ لاحم ولا زينه
وخذ لاك 3 دجاجات و ديك في البدايه و يستحسن تاخد دجاج معاها فراخ و يكونو جمله لا تاخذ كل دجاجه من مكان
لمنع التضارب و يكون المكان واسع
و اذا كنت تبي تاخ اكثر لكل 10 دجاجات ديك واحد و اعزل كل 10 دجاجات وديك لحالهم لمنع تضارب الديكه
و الله يالغالي من وجهة نظري سواء بغيت تبدأ بالتايلندي أو بالباكستاني ما يفرق دام انك بتختار الشي الصح و الي جيمته فيه و بيور و طبعا مثل ما قالو الاخوان العبرة فالنوعية مش فالعدد
و هاي الأشياء طبعا حاليا ما بتعرفها عشان جي الجأ للناس الي يعرفون و اذا ما تعرف حد خبير و تثق فيه حط الصورة فالمنتدى و ان شاء الله الاخوان ما بيقصرون
و أنا الصراحة مش من النوع الي يهمني اللون أبدا,لأنه فنظري لون بدون نسل ما يسوى شي أما نسل حتى لو كان لون عادي جيمته أبدا ما بتنقص
و لموضوع الانتاج أنا أجوف انه كلام غلطان أحسن أولا أريح للديج و ثانيا لأانه كل ما كثر العدد كثرت الأمراض
و ان شاء الله يكون كلامي صح
انشاء الله
مابيقصرون الاخوان
الاخوان ما قصروا
