السلام عليكم و رحمة الله و بركاته
من زمان ما شاركنا او عرضنا شي في هذا القسم
كنت قبل فتره عند احد مربي البور قوت و المستورد
حلاله بالكامل من استراليا .. و شد انتباهي احد
العنزات لأن الصوف كاسيها بالكامل .. في البدايه
اعتقدت انها مهجنه .. لكن استغربت انها احد المعيز
الأصليات المستوردات من استراليا .. و ليست من
مواليد العزبه .. و الأستيكر على الأذن يوضح ذلك
للمشاهده و التعليق …….[/SIZE]
حيا الله أخوي عبدالله عساك بخير ومرتاح
السموحة على كثر الإنقطاع لكثرة المشاغل
بخصوص العنز مب شرط كل الحلال المستورد خالص
يجب أن يفهم الجميع بأن باقي دول العالم مثل الامارات
فيها الحلال المهجن وفيها اللي يباع على أساس أنه بيور
المغالطات تصير لكن مب لهاذي الدرجة يا أخوي عبدالله
وأنته صاحب نظرة فالحلال وأنا من باب تجربة ومن خلال الزيارات
تبين وجود عدد كبير من الماعز المهجن من الاحجام الكبيرة
ويطلق عليه بورقوت بنسبة 80 % مثلاً وقيس على ذلك
الحلال المستورد 3 أنواع (بيور مسجل، بيور غير مسجل، مهجن بنسبة)
البيور المسجل
وهو نقي الدم ومن سلالة عريقة ومن أصول جنوب أفريقية
البيور غير المسجل
وهو نقي الدم ومن سلالة عريقة يوجد عيوب بسيطة
(الضرع، الأيدي، الأرداف، الأسنان، وغيرها)
المهجن بنسبة
وهو المهجن بالأصل ولعدة أجيال تصل الي أربعة
نسبة التهجين فيها (70 % ولغاية 80 %)
أتمنى أني وفيت في إيصال المعلومة
ومشكور على طرح الموضوع أخوي عبدالله
ههههههههههههههه
الصراحه شي غريب يمكن ابوها خروف والام بورقوت هههههههههههههه
للتوصيح …….. البورقوت كل ماياك ويها في النص دقيق ابعد عنها هذا الي تعلمناه من ستيف باربرا و قيرهام
يالمزروعي عندك شي نادر
ولا اظن ان التهجين راح يوصلها لهذه الحالة
الصوف اللي عليها صوف خرفان
ل الله في خلقه شؤون
الله يباركلك في ماملكت
ْ Xx تحياتي لك xX ْ