السلام عليكم ورحمة الله وبركاته
إخوتي وأخواتي حياكم الله في صرحكم الغالي والحبيب إلى قلوبنا جميعا منتدياتنا مدونة أغنام الإمارات جمعنا الله وإياكم فيه على الخير والمحبة والأوقات الممتعة 
اليوم طابختلكم أكلة إماراتية محبوبة جدا من الكبار والصغار وتؤكل في جميع الأوقات فطور أو ضحى أو غدا وألا عصرونية وحتى عشاء وجبة خفيفة وسريعة خصوصا للضيوف وأهل البيت مغذية وسهلة الهضم
وهي العرسية طبعا ومقاديرها بسيطة وموجودة في كل بيت
طبعا الدياي المحلي الفرش وله طعم فنان في الطبخ أخير عن المثلج
والعيش المغسول جيلة ونص للدياية الصغيرة
و جدري الصاروخي اللي ما أستغني عنه واللي يتروعن منه البشاجير 
من فوايدة السرعه في التنفيذ يعني العملية كلها ما تبالها ساعة بالكثير 
نضع الدجاج في الجدر ونحط شوية ملح ونبند عليه عشر دقايق تبدا الصفارة تدور وعشر دقايق ثانية قد نضا الدجاج
ظهرنا البخار والاستيم من الصفارة لين خلص موول أأكد موول وخلاف نفتح الغطاة بكل حذر شوي
شوي
وأضيف العيش المغسول على الدياي عقب ما أشل الزباد المتجمع على ويه الماي من شحم الدياي
العيش يالس يستوي
والتقليب مستمر عن تحترق القاعة وانضيف الماي شوي شوي إن شفتوه يبس
ويوم مررة ينضا ويستوي نبدأ بالضرب الخفيف حتى يتجانس
نيب الدهن العربي الخنين ونبسط العرسية
إن شاء الله أنه عرسيتنا عيبتكم ويت خفيفة على قلوبكم وبالهني والعافية مقدما
وبالهني والعافية مقدما صنعته وأعدته لكم أختكم غبيشة 
تسلم اياديك يا غبيشه
الله يعطيج العافية
الله يعطيج العافية
عرض لذيذ
اقتباس:
|
المشاركة الأصلية كتبت بواسطة محمد بن ياعد المطروشي
 تسلم اياديك يا غبيشه
الله يعطيج العافية عرض لذيذ |
الله يعافيك يا أخوي واقرب ريوقنا
الله يعطيج العافيه ام عبدالله ,,
يم يم احب طعمها مممممممممممم العرسية تسلم ايدج حياتي
العرسيه اكله لذيذه
تسلم الايادي يا ام عبدالله
تسلم الايادي يا ام عبدالله
طبق لذييييييذ
و القدر خطير و من حقهم يخافون لأن السوق مليان من الغش
الله يحفظج و يحفظ الجميع
بس الغريب انج ما فصختي اللحم عن العظم او نسيتي تخبرينا
و منكم نستفيد
بالتوفيق
ســــــــلامي عليج والله .. أمووووووووووووت في شي أسمه عرسيه
الله يعطيج العافيه ام عبدالله ,,
اقتباس:
|
المشاركة الأصلية كتبت بواسطة راعى وضحى
الله يعطيج العافيه ام عبدالله ,,
|
الله يعافيك يا أخويه