السلام عليكم ورحمة الله وبركاته
تحية طيبة عطرة أرسلها لكل محب ومهتم وعاشق لعالم الحلال الذي نجد متعتنا وراحتنا النفسية فيه اليوم الله يسلمكم كنت في العزبة وأتفرج على الحلال والحمدلله الامور طيبة والجو في تحسن
لاحظت معزة تبارك الله قرونها رمح وقت الأكل ترغزه في كل جتف وخاصرة وهم حليلهم متحملين الالم في سبيل تناول الطعام الجماعي قلت شو الحل وياها 
قرونها حادة وما نقدر نسوي شي لانها مقرب الحين فسالت عاملي نقدر نقطع قرنها بأقل تخاسير وبدون ما تجهض ؟
فقال نعم شفت جارنا يقطع قرن بسرعة وبحدة وبدقة وبدون ألم
وهاي الطريقة كثير منكم يعرفها بس هني أنا بعلم المربين الجدد هالعملية البسيطه فقلت زين يلا نقطع قرنها لانها صايره خطيرة وبعد الولادة أكثر بتتوحش هالانواع معروفه 
المهم أنا براويكم الخطوات والطريقة خصوصا المربين الجدد عسب تتعلمون كيف تقصون قرن بدون ما اتظهرون دم
ها شكل أداة القطع سلك مشدود بين قطعتي خشب
القرن الاول انقص
تحديد المكان بدقة
عملية القص بسرعة
قصينا القرن الثاني
مثل ما اتشوفون ما شي دم 
نهاية ماعز مغرور 
وانتهت حكاية الماعز المغروة والتي آلمت الكثيرين ياترى هل هي متأثرة ؟ وحاطة في خاطرها لانها فقدت مصدر قوتها 
مادري والله وهل لي سويته صح والا له آثار جانبية الله وحده العالم 
ملاحظة إذا نويتوا اتقصون قرون التيس أو الخروف وبغيتوا اتضحون به في المستقبل في عيد الاضحى ما بيصير 
كتبته وصورته لكم أختكم غبيشة
………………..
أنا كنت أتبع هالشغلة , ومن عقب غيرة على المنشار الحديد الرفيع
وايد أسهل ويقطع بسرعة
تقبلي إعجابي م.هاوي
القرن ممكن يلتهب او يدود لا قدر الله
ما شاء الله عليج
رقم 1
