بحط لكم تجربة من تجاربي لتفقيس بيض الدجاج بعد تجاربي بوضع البيض فوق الثلاجة وكانت نسبة التفقيس عالية جدا بس الثلاجة اختربت والثلاجات اللي عندنا مو نفس اللي قبل قلت استغل الجو الحار وحطيت البيض على الدري قريب السطح
المهم شريت بيض محلي من واحد من الاخوان في المنتدى الله يذكره بالخير
حطيت تحت الدياية 12بيضة ..و12 بيضة للفقاسة
خذت البيض وكتبت عليه ارقام من اربع جهات عشان عملية التقليب استخدمت الوان شمعية اقلب البيض 4 مرات في اليوم او اقل احيانا
حطيت البيض في طاسة بلاستيك وفرشت تحت البيض نشارة خشب
وغطيته بطاسة بلاستيك
وغطيتة بقطعة خام
اليوم الــ 16 جربت اختبر البيض بالضوء اكتشفت كم بيضة غير مخصبات طلعتهم
و4 بيضات شفت فيهم نبض يكون واضح
هذا المصباح اللي استخدمتة للبيض وهو للاطفال ..مو اي مصباح ينفع لازم العدسة تكون نازلة تحت عن حواف المصباح عشان البيضة تيلس زين
اكبر غلطة اني في اليوم الــــ16 حطيت ماي للرطوبة المفروض من اول يوم
طبعا بسبب الحر الشديد
الدياية فقس عندها 3 صيصان صفعتهم تصفيع واحد تحول لنعامة نتفت ريش رقبته والثاني سوت له خرم في راسة والثالث ماااااات طبعا الاثنين نقذناهم وخذناهم عنها ..طبعا فسرنا تصرفها انه ولد الدياية الثانية كان يرقد صوبها اغلب الوقت لانه امه ما تدافع عنه يوم تاذيه الدياية الثانية يسير وينخش عند اللي راقدة على البيض فقالت ولد جاهز احسن من ..12 في البيض
البيض شي منه غير مخصب والباقي ما فيه صيصان متكتل على شكل كتل جامدة وصفراء الظاهر من الحر انسلق
الفقاسة فقست 4 صيصان 3 اوكي والرابع مات في البيضة ما قدر يطلع منها لو كنت موجودة كنت بساعدة بس قدر الله وما شاء فعل كنت خارج البيت فترة طويلة
البيض الباقي كله صيصان ميتة من الحر لانه الحرارة قريب السطح لاتطاق ابدا
ذولا الصيصان البني مات عقب كم يوم ما اعرف ليش تم لي 4
الحين عمرهم شهر وكم يوم .. من الـــ 4 واحد طلع برع بيتهم واختفى في بطن قطوة او غراب
شو ها الابداع والتميز اختي قلادة ذهب
الصراحه اعجبتني الفكره كثيرا
وبعد الديايه ما خلتهم بحالهم صفعتهم
ربي لا هانج ع الطرح الرااااااااقي
موضوع يستحق التقيم
يعطيج العافيه و نتريا الزود م ابداعاتج
تقبلي خالص احترامي
|
المشاركة الأصلية كتبت بواسطة عيسى المميز
 |
تسلم اخوي على المشاركة الطيبة
|
المشاركة الأصلية كتبت بواسطة الطير المهاجر
وعليكم السلام ورحمة الله وبركاته
شو ها الابداع والتميز اختي قلادة ذهب الصراحه اعجبتني الفكره كثيرا وبعد الديايه ما خلتهم بحالهم صفعتهم ربي لا هانج ع الطرح الرااااااااقي موضوع يستحق التقيم يعطيج العافيه و نتريا الزود م ابداعاتج تقبلي خالص احترامي |
مشكور اخوي الطير المهاجر
وتسلم على موشحة رفع المعنويات
اخجلت تواضعي ..
تَقبلّي أَطيّب المُنى،،،
|
المشاركة الأصلية كتبت بواسطة mr_bj
مشكوره على الموضوع المميز
|
|
المشاركة الأصلية كتبت بواسطة خالد بن علي
يَعطيج العَافيّة عَلى الموضوع المُميز،،،
تَقبلّي أَطيّب المُنى،،، |
تسلمون اخواني على المشاركة في موضوعي
وربي يجزيكم جنات الفردوس
|
المشاركة الأصلية كتبت بواسطة bin hamed
مشكوره فكره طيبه من أخت طيبه
|
تسلم اخوي شرفني مرورك الكريم