السلام عليكم و رحمة الله و بركاته
اخواني الاعضاء .. اثناء تفقدي اليوم للنخيل و عملية تنبيت العذوج .. لفت انتباهي عذج تم تنبيته حديثا و الغريب فيه ان ذآبل و لونه اسود .. قربت منه و هزيته لقيت الخلال يحت !!
استغربت من الموضوع و حبيت اني اعرف السبب ..
خلال بحثي على الانترنت لقيت انها مشكله طبيعيه و قد تصادف عذج واحد فـ النخله
حبيت اتأكد من صحة المعلومه
و جزاكم الله خير مقدماً
إن شاء الله أهل الخبره ما بيقصرون وياك
انشاء الله الاخوان مابيقصرون
هذا العذق تعرض للرج اثناء عملية التنبيت
المفروض ما ينرج اساس العذق عشان ما يموت
هذا يسمى خياس الطلع والأفضل رش النخل قبل الطلع شهر 1 لتجنب هذة الآفه .
يمكن مزود كمية النبات
اقتباس:
|
المشاركة الأصلية كتبت بواسطة سحاب
 هذا يسمى خياس الطلع والأفضل رش النخل قبل الطلع شهر 1 لتجنب هذة الآفه .
|
خياس الطلع غالبا يصيب الفحول و يكتشف قبل تبنيت العذق وهو بعدة ف الشغراف ما تبطل تحصله متعفن
تسلمون على الردود اخواني ما قصرتوا ..
اعتقد انه السبب حشره ماكله ساس العذج …
على كلام البيدار انه في كل موسم يصادف هذي الحالة ..
و الحمدلله المشكله وقفت على عذج واحد و ما اطورت اكثر عن جذه