السلام عليكم يا اخواني
حبيت بس استفسر شو الي يقدر يزرعه الواحد غير الرودس والجت واليانيكام كي يكون علف لأغنامه
أقصد هل حد عنده خبره بكيفية زراعة الحلبة مثلا أو الشعير من ناحية الموسم وطريقة تحصيل البذر ورعايته
مرحب ياخوي
أنا بفيدك بخصوص المواسم
بالنسبة للمسيبلوو , فهو الأفضل لأنه ينبت طول السنه ومن تحشه للحلال بسرعه يطلع , والحلال ياكل الأعواد والأوراق
وطريقة إكثاره سهله , قطع الأعواد لأجزاء صغيره , ومن ثم أغرسهن بالأرض وبتطلع نبته جديده
أنا بفيدك بخصوص المواسم
بالنسبة للمسيبلوو , فهو الأفضل لأنه ينبت طول السنه ومن تحشه للحلال بسرعه يطلع , والحلال ياكل الأعواد والأوراق
وطريقة إكثاره سهله , قطع الأعواد لأجزاء صغيره , ومن ثم أغرسهن بالأرض وبتطلع نبته جديده
الجت : بعد طول السنه , بس عليك بالبذر العماني , تقريبا سعر الكيلوا 180 درهم , وفترة بقائه تصل لخمس سنوات
اللوبيا : وقتها بالصيف
الزغبه : الصيف أيضا
الشعير الشتاء
هذا اللي أزرعه أنا
أتمى إني فدتك ياخوي
اخوي شو الزغبه ؟
انصحك بالجت العماني او مال البلاد … المن يبيعونه براس الخيمه على 700 و مال البلاد يوصل 1000 … المسيبلو الاسترالي بعد زين يتحمل الماي الماح و الحراره ….
لاهنتوا إخواني
وتسلمون عالمعلومات
المسيبلو تحويله في شهر 3 و4 والشعير يزرع في نص شهر 10 والجت يزرع في شهر 2 او 3 والزغب افضل وقت لزراعته في عشرين الصيف واللي اتصادف اواخر شهر 2 وممكن يزرع في 3 و4 ايضا ( كل ما زرعته من وقت كل ما كان عدد القصات اكثر )
الشعير المستنبت اشوفه منتشر بين مربين الحلال بس المشكله في فكرته صعبه شو ولا على كلام بعض الاعضاء في المنتدايات الثانية يقولون انه يدر خير بس الله واعلم انا ماعندي خلفيه.
اخواني الكرم اذا ممكن حد يدلني على بذور المسيبلو وكم السعر للمن
نصيحه اذا بتزرع مسيبلو لاتزرع بذور أزرع مسيبلو عقل يعني تاخذه من امهات كبار من مزارع تبيع المسيبلو
ممكن زراعة الشوفان هو افضل من الشعير في طول النبته وافضل في عدد القصات وزراعته في نفس فترة زراعة الشعير