الله يحييكم …السموحه على الازعاج …
أثار أستغرابي تساقط أسعار الحلال في المزادات ,,,,
يعني أنثى نعيمية تحتها 2 من الانتاج تباع بسعر 1000 درهم ..
الذبائح 350 درهم …
فحل نجدي بيور 1200 درهم …
طيب …
الحين أنا كمربي مبتديء لما أرى هاي الاسعار ..وفي حال أشتريت كم السعر اللي ببيعه
يعني زوجين حمام لاحم أغلى من الذبيحه ….شيء عجب …
وكل مره أروح مزاد أرى سقوط اكثر ,,,,
الله يعيين ,,,
سعر الدواجن محافظ ومرتفع ,,,
مثال الدجاج عمر شهرين ونصف تم بيعه بسعر 18 درهم في 10 =180 درهم …
في النهاية ,,,المزاد صدمتني أسعاره …
الله يوفقكم
ما كل حلال بيور يعني مستواه قوي
السوق عرض وطلب
نوع المزاد ومكان المزاد يلعب دور كبير في اسعار الحلال
وقت المزاد
رغبة البائع بالتخلص من الحلال لاي سبب
عمر الحلال المعروض ومدى عافيته
طريقة عرض الحلال وتقديمه للمشترين
لكن الحلال بالسوق سعرة ثابت والحلال الصنف كذلك عند مربيه
بعض المربين يبيع الذبايح ع اساس أنهن فحوله فالمزاد
الناس تزايد علية و هو يبيع بالسعر الي يوقف علية
الي بعدة بيعرض حلال خصم ومستوى بيوصل نفس سعر الذبيحة
و اغلب الناس خاصة فالمزادات المنوعة تطلع الحلال المشطوب و الذبايح
وأي سعر يوصل له باعت وبالتالي ينزل سعر الحلال فالمزاد
و المبتدئين ما يعرفون يعطون الحلال حقة يا بيبخس الحلال يا بيرفع سعرة
و شيء ثاني الحلال حق منوة
الحلال حق الشخص الفلاني لو الحلال ما يسوى بزايد علية باسعار عالية لن راعيه فلان و هذا مربي معروف
وحلال الغير بنزل من قيمتة لن راعي الحلال مب معروف مع ان الشخص المعروف عارض ذبيحة و هذا عارض مشروع فحل خصم
وهذا صائر عدنا للأسف في كل المزادات
حتى فالمنتدى تشوف مثل هالاشياء
ذبيحة ماتصلح للتفحيل ينفتح الباب عليها من ٢٠٠٠ و مشروع فحل ينفتح علية ب ١٠٠٠
وانت ما تروم تقول شي ولا تنصح لنه الشخص صاحب الحلال بيقول بخست حلالي وخربت بيعي
والشاري فالنهاية هو الي بيخسر لنه إنتاجة يوم بيعرضة بيب له أسعار الذبايح وبيزعل
بيقول أنا شاري الفحل بجي و أبوا الفحل جيمتة جي
بس انت يا عزيزي مش معروف عشان تحصل مجاملة نفس الي جاملتة و خذت منه الفحل
وراعي الفحل الي باع على الناس
اهل الحلال بيقول فحل فلان ما ينتج غير الذبايح !
كسب من بيعة الذبيحة و خسر سمعة فحل حلالة
و مش كل الفحول تنتج فحول
يا ما فحول انتجت ذبائح
بس الغش فالتسويق لة عواقب عند رب العباد قبل العباد
ونصيحة انت ما بتسوم راعي الحلال
وعين الشخص ميزانة و البيع و المشتري ما فية زعل
عط الحلال القيمة الي تشوفها مناسبة
وأصحاب الحلال خلوا عنكم مقولة
بيع ولا تشتري فالظلام
وقول عن الحلال يصلح للإنتاج ولا ذبيحة
والرازق الله
|
المشاركة الأصلية كتبت بواسطة بو ابراهيم
 الاسباب عدة يل خوي
ما كل حلال بيور يعني مستواه قوي السوق عرض وطلب نوع المزاد ومكان المزاد يلعب دور كبير في اسعار الحلال وقت المزاد رغبة البائع بالتخلص من الحلال لاي سبب عمر الحلال المعروض ومدى عافيته طريقة عرض الحلال وتقديمه للمشترين لكن الحلال بالسوق سعرة ثابت والحلال الصنف كذلك عند مربيه |
بو براهيم انت 100% ولا يرخصون الباقين بس انت جبتها من الآخر.
شكرا للاخ خالد والسوق طلب وعرض واقول لك معلومة عندنا ذبايح جاموديات ينطلبن من عند التجار البلوش على 650 درهم ونرفض بيعهن لأن معارفنا يطلبونهن ب 700 درهم وينباعن في ريس دبي ب 800 و 850 درهم على أهالي العزب هناك ..
اذا ربيت الشي إلي يستاهل بتلقى قيمتة فية .
واذا حاب تشوف بعينك حياك العين وشوف التيوس الجاموديات والسعيديات بعمر 4 شهور ساعه دخولهن السوق آخر الاسبوع لاتتصور بيتمن في البيك اب ساعة مستحيل على طول بتلقى بيعه ماتقل عن 700 درهم للراس.