نظام صرف الاعلاف الجديد لأصحاب البطاقات.
انا واحد من الاخوان إلي معطين بطاقاتنا لشخص يعمل في جلب الاعلاف حتى اماكن تواجد حلالنا ولكن اذا ما دققت وتابعت اول بأول سرقني ..
احببت أوضح للأخوة وللأخوات إلي يملكون بطاقات او يعرفون احد من اهليهم صارف بطاقته او مودعها عند سايق او بتان بان النظام الجديد يصرف 60% جت و20% علف مركزاو الكامل و20% حشيش بندل مضغوط .
1.5 كج لكل راس.
طبعا اغلبكم يعرف ان كثير من كبار السن معطين البطاقات لسابق او دريول الجيران او شخص ما من الي اصبحوا مافيا الاعلاف هكذا اطلق عليهم ، لايعرف ما له من مستحقات والأفضل من جهاز الرقابة يرسل رسالة لصاحب البطاقة أو ابن صاحب البطاقة اذا كان الشخص كبير فى السن يعلمه بالكمية التي صرفت والمبلغ المدفوع من قبلة.
بهذا سوف نقلل من الكميات الكثيرة التي تصرف لناس لايستحقونها اطلاقا وتذهب في السوق السوداء.
للعلم تم إلقاء القبض على البعض منهم وبأذن الله سوف يتم إلقاء القبض على الاخرين وإلي اتمناه من جميع الاخوة ان لايترددوا في توصيل اي شكوى لحكومه ابوظبي او رقم الامن سوف اقوم بتوفيرة لآحقا .
بلغوا عنهم يا اخوان وقبل فترة متصلين بواحد من الاخوان وكان في المانيا يسوي عملية يبلغونه بانه تم القبض على السايق الي يستلمله جت ويستلم لعشرين شخص آخرين ويقولون له بانه هذا حـــــــــــــــــــــــــــــــــــــــــــــــــ ـــــرامي ويسرقكم والحبايب نايمين ولادارين بشي.
بلغ بلغ ولاتردد ويجب تعاون الكل ضد هذة الظاهرة السلبيه.
وياليت اذا حد عنده معلومة تفيد الاخوة يطرحها للنقاش والفائدة للجميع بأذن الله..
في مشكله ثانيه بعض مربي الحلال ما عندهم بطاقة أعلاف ويشتري من سوق سوداء كان من باكستاني وبسعر غالي شوه الحل
زين انا معاك من ناحية المبدأ
بس شو الحل الثاني للأخوان اللي ماعندهم بطايق دعم – الجت – ؟؟؟
لازم يكون لها حل جذري لمنع ذأب السوق من افتراس اخوانا و ربعنا ملاك الحلال
لازم يكون هناك آلية جديدة لإستخراج البطاقة و متابعة من الجهه الرسمية التابعة لها
لا حياة لمن تنادي
|
المشاركة الأصلية كتبت بواسطة muwad3
 زين انا معاك من ناحية المبدأ بس شو الحل الثاني للأخوان اللي ماعندهم بطايق دعم – الجت – ؟؟؟ لازم يكون لها حل جذري لمنع ذأب السوق من افتراس اخوانا و ربعنا ملاك الحلال لازم يكون هناك آلية جديدة لإستخراج البطاقة و متابعة من الجهه الرسمية التابعة لها لا حياة لمن تنادي |
هذه مشكله تحتاج لخبير ياباني لحلها..!
توجد بطاقات ورثه من 2001 لغاية الآن لم يتم تحديث بياناتها يعني 36 راس ومازالت مثل ماهي علية!!!
والدليل مادي وعندي..
العلاج لايوجد علاج عند الدكتور المختص ( جهاز رقابة الاغذية )
في نفس الوقت شيء علاج عند الاخوان الي عندهم هالبطاقات ويحتاجون الجت ولكن بكمية بسيطه او قليلة
يا اخي ماعليه استلم الي لك والفائض بيعلي بسعر الشراء والا لاتزعل انا بييب لك ولي وبتحمل السيارة لاحول ولاقوة
كم صحنا ونادينا بهالمنتدى عن هالموضوع ولكن الحمد لله حصلنا تجار جشعين وانا اجمع جشعين حالهم من حال البتان والمصاروه
على فكرة اول ما يتوفر عندي رقم الامن المختص بالتجار ببلغ على الجماعة كلهم
متخصصين في كل شي يمس الامن .
8002626
رسائل نصيه
2626
وان شااء الله الايام اليايه تبشرر بخيرر بأذن الله للمربين الجدد الذين لا يملكون بطاقات دعم
تحياتي