اخواني الافاضل .. طبعا انا تجرأت سجلت بعد ما قرات موضوع الاخ خالد بن عمير
وبناءا على مشورته .. ها أنا اتقدم امبينكم وابي النصيحة
عندي مزرعة طبعا مب مستغله ابدا الا شي بسيط المزارع يستفيد منه
الحين صار لي فكرة اني اربي لي مجموعة من الحلال .. بحكم ان راس المال محدود اني ببدأ بعدد قليل جدا .. على اساس اكثرهم وازيدهم على الفترة القادمة
فالحين ابي نصايح كـ مبتدأ ما عنده خبرة في المجال هذا ..
كيف ابدأ .. وشو نوع الحلال اللي ابدأ فيه ..
اذا مثلا ناوي اخذ لي 10 روس غنم وانتم بكرامه .. هل اخذ مال البلاد ولا ولا النعيمي … شو النصيحة
ونصايح عامة يمكن اغفل عنها ..
والشكر لكم مقدما
اما اذا تبا للمزاين يبالك حلال للمزاين .. وبتكون الاسعار عاليه ..
والشور لك أنته ..
ولنا عودة حدد اللي تريد وان شاء الله نفيدكم ,,,والشباب مايقصرون بعد …
اخوي اذا انت تفكر في تربية الحلال كمشروع تكاثر ومن خلال خبرتي البسيطه في هذا المجال لازم لا يقل عدد القطيع عن 100 الى 300 راس علشان تقدر تغطي المصاريف وترجع راس المال
حاول ان القطيع يكون من نوع واحد للتميز واهم شي الفحص قبل ما تشتري وحاول ان تشتري نوع بس ما يكون غالى لكن الفحل حتى لو كان غالى يرجع قيمته
واذا عندك اي استفسار نحن حاضرين تواصل معاي وفالك طيب
بخصوص الفكرة .. انا ما فكرت ولا افكر حاليا في المزايين وهوالسوالف ..
افكر اكثرهم بشكل اساسي .. واتعلم على عدد قليل .. عقب اكثرهم ان شا لله .. هم بيكثرون عمارهم .. والله يوسع علي وازيد عليهن
ان شا لله ارد ونتكلم اكثر حول الموضوع بامر الله
انت طلبت النصيحة و كلاً يشور عليك من وجهة نظرة
اما عني انا من بعد مخالطتي اصحاب الحلال و الاعضاء في المنتدى اقــــول
ابتعد عن التهجين
رأيي
لا تخطو الى بعد تمعن و دراية حوط العزب و شوف
الحلال نظرة بعد
بالتوفيق
كانها شيك في جيبك تقدر تصرفه في اي اوقت
و امراضها قليله و نادره
مرغووبه ولهااا سوووق دائـــ//ـم
تحياتي