كيف الحال يا أخوان ……………؟
صارلي زمان ما طرحت موضوع بهالقسم
, واليوم ناوي لكم على نية بس أنتوا صبروا شوي 
الموضوع اللي بطرحة بيكون موضوع ساخن ومن شقين , ومن خلالة بنسمع آرائكم وتجاربكم
الموضوع الأول :
ليش نحن ( أصحاب الحلال ) يوم نفكر نبيع على مواطن ,نحاول نستغلة أكبر أستغلال ونطلع فلوس الماي والسبوس والحشيش وشعر البهيمة وقرونها ……..الخ ونعطي المشتري سعر خيالي ( ويامسكين لو كان غشيم بأسعار الحلال, وحاط ثقته بولد البلاد ووثق فيه وهرب من جشع التجار ), لكن لو تاجر وجنسية أسيوية يريد يشتري, بتحصلونا ننزل قد مانقدر عشان نفتك من الحلال المعروض للبيع ؟( وين المنطق بهالشي )
لدرجة إن في ناس وأنا منهم أفضل أشتري من التجار , لان ربحهم بيكون بحدود المعقول وسهل تكاسرهم وتجادلهم عكس أولاد البلاد
الموضوع الثاني :
ليش إذا واحد من الشباب كتب بقسم الطلب محتاج لنوع معين من الحلال , تبدا العروض توصلة عن طريق العام ( الموضوع نفسة ) أو الخاص ( الرسائل الخاصة ) وينعرض نفس الحلال المطلوب ولكن بأسعار خيالية , ويمكن ضعف سعر الحلال الأصلي !!!!! هل هذا إستغلال لطلب الشخص وحاجته ؟ ام الرغبة بالبيع ؟
وخلاصة أسئلتي نحن لازم نحارب جشع التجار , ونساعد المبتدئين في تربية الحلال , ومانصير نحن الجشعين 
صحيح بسمع كلام يقول نحن نخسر وندفع في الحلال , وأنا معاكم بهالكلام بس نحن لازم نوحد السعر بين التاجر وولد البلاد, وبالعكس لو رخصنا على ولد البلاد ترى بنكون سوينا خير .
تقبلوا مروري م.هاوي
تققققققبل مروري
اخي الكريم كلامك في محله …
من خلال تجربتي البسيطه في عالم الحلال …اشرح التالي:
ضعف الوازع الديني ..
الشباب بحثون عن الرخيص …
الشباب يتجنبون التعامل مع المواطن …الاغلب يفضحك اذا اشتريت منه او بعت له ..
البعد عن القيل والقال ..
الصراحه الشباب مايردونها…انته صريح انته فاشل خسران ..
تنزل السعر وتراعي ..ولكن المشتري يستغلك …بسوء نيه ..
البائع اذا انتجت وقلت له عندي انتاج مايصد صوبك ولايدلي احد عليك
التنافس الغير طيب بين الشباب
مرحب اخي العزيز
م.هاوي
اشكرك على الموضوع الجيد والمفيد وإن شاء الله انحصل له حل
( المواطن اولى من الأسيوي )
الموضوع الأول :
ليش نحن ( أصحاب الحلال ) يوم نفكر نبيع على مواطن ,نحاول نستغلة أكبر أستغلال ونطلع فلوس الماي والسبوس والحشيش وشعر البهيمة وقرونها ……..الخ ونعطي المشتري سعر خيالي ( ويامسكين لو كان غشيم بأسعار الحلال, وحاط ثقته بولد البلاد ووثق فيه وهرب من جشع التجار ), لكن لو تاجر وجنسية أسيوية يريد يشتري, بتحصلونا ننزل قد مانقدر عشان نفتك من الحلال المعروض للبيع ؟( وين المنطق بهالشي )
لدرجة إن في ناس وأنا منهم أفضل أشتري من التجار , لان ربحهم بيكون بحدود المعقول وسهل تكاسرهم وتجادلهم عكس أولاد البلاد
لو اييني مواطن ابيعله الأنتاج بارخص من السعر الي شريت (الأمهات)
وأحب اعطيه من المعلومات كل الي عندي
لأني احب يكون عنده حلال مثل الحلال الي عندي وأحسن
عن النبي صلى الله عليه وسلم قال :"لا يؤمن أحدكم حتى يحب لأخيه ما يحب لنفسه "
والأسيوي إذا ياني ابيعله الشي التعبان ، اول شي لأني ابا افتك وثاني شي هم جي يسوون فيني فأنقهر
بيعهم اغلبه كذب في كذب
والدليل لما ابا اشتري شي من الأسيوي يعطيني سعر وعقب اقول الله فوق يغير في السعر وفي كلامه بشكل كبير
وفي شباب ما شاء الله في المنتدى الكل يشهد لهم بالحلال النظيف مع السعر الطيب من غير ذكر اسامي
الموضوع الثاني :
ليش إذا واحد من الشباب كتب بقسم الطلب محتاج لنوع معين من الحلال , تبدا العروض توصلة عن طريق العام ( الموضوع نفسة ) أو الخاص ( الرسائل الخاصة ) وينعرض نفس الحلال المطلوب ولكن بأسعار خيالية , ويمكن ضعف سعر الحلال الأصلي !!!!! هل هذا إستغلال لطلب الشخص وحاجته ؟ ام الرغبة بالبيع ؟
ممكن استغلال او الشخص يبا يستفيد
(حد عرض عليه طلب)
او يعطيك سعر على اساس تتكاسر وياه لين يوصل معاك بالسعر الي هو يبغيه
هذا الي عندي
تحياتي لك اخي
( لاتكن ليناً فتعصر ولا تكن قاسياً فتكسر )
ليش نحن ( أصحاب الحلال ) يوم نفكر نبيع على مواطن ,نحاول نستغلة أكبر أستغلال ونطلع فلوس الماي والسبوس والحشيش وشعر البهيمة وقرونها ……..الخ ونعطي المشتري سعر خيالي ( ويامسكين لو كان غشيم بأسعار الحلال, وحاط ثقته بولد البلاد ووثق فيه وهرب من جشع التجار ), لكن لو تاجر وجنسية أسيوية يريد يشتري, بتحصلونا ننزل قد مانقدر عشان نفتك من الحلال المعروض للبيع ؟( وين المنطق بهالشي )
لدرجة إن في ناس وأنا منهم أفضل أشتري من التجار , لان ربحهم بيكون بحدود المعقول وسهل تكاسرهم وتجادلهم عكس أولاد البلاد
بالنسبه لي اسعار البيع لا تغطي الا جزء بسيط من المصاريف
بالرغم ان اهلي و ربعي يشوفون انه اسعار البيع عندي ارخص من سعر السوق
غالبا احاول انه اسعاري تكون ثابته و ما تتغير على حسب جنسيه الزبون و لكن غالبا اخفض السعر اذا كان المشتري مواطن
الموضوع الثاني :
ليش إذا واحد من الشباب كتب بقسم الطلب محتاج لنوع معين من الحلال , تبدا العروض توصلة عن طريق العام ( الموضوع نفسة ) أو الخاص ( الرسائل الخاصة ) وينعرض نفس الحلال المطلوب ولكن بأسعار خيالية , ويمكن ضعف سعر الحلال الأصلي !!!!! هل هذا إستغلال لطلب الشخص وحاجته ؟ ام الرغبة بالبيع ؟
و الله يا خوي اللي شفته في قسم الطلب غالبا يكون استغلال للاسف
و اللي يريد يشتري من قسم الطلب لازم يكون عنده طوله بال و صبر لين يحصل اللي يريده بسعر مناسب
اما بالنسبه للموضوع الأول فأنا احد ضحايا اهل الخبرة وانا خذت الحلال لاني كنت اقول لنفسي مستحيل ولد البلاد يغش ويبالغ ف السعر لانه الحمد لله عايش بنعمه وشايف خير
والسؤال الاهم هل بنوصل لنتيجه بعد النقاشات والاراء من الاخوان
بالنسبه لي كأمرأه واشتريت مرارا من ولد البلد فاتكلم بصراحه البايع مايجبر حد البايع عرض سلعته والشاري حر …ان باع بالغالي ممكن ايحصل شاري وممكن ايتم حلاله بدون بيع …
اما عن الغش ولله الحمد ما تعرضت لغش وكل شي بالمعاينه افضل وغالب مشتراي بدون معاينه وتوفقت …..
لم اجد الا الادب والاخلاق العاليه وحسن التعامل وبيض الله وجه الجميع