نطالب بعودة هيبة المعلم
أقول وين زمانك وين مكانك اووين عزك يالمعلم
وين احترامك وتقديرك إتمر عليهم ولا حد منم يسلم
اترمسهم وتلاطفهم والطنازة تسمعها طاع منو يتكلم
ليش هالجفا والظلم ونكران الجميل ليش يا أخي هالتبلم
كلما مريت على جماعة أكثر سوالفهم ضحك على المعلم
كيف انهم سووا فيه المقالب واتفننوا وهو ساكت مايتكلم
وكيف أنهم قصوا عليه بسوالفهم وعزموه وخلوه يتشيم
وخلاف ردوا عنه واتشاردوا واتركوه وهو للعزومة يتولم
لحظة يالأخو لحظة وأنته الحين يالس وتسمعني وتتبسم
من علمك الكتابة والقراية والشعروالخط ومسك القلم
من فهمك على حسن الادب وشجعك على التذوق و التكلم
تذكر أول يوم ييت المدرسة وكنت خايف يوم إنهم رفعوا العلم
تذكر أول جملة في حياتك ولايمكن أنك تنساها مع حمد قلم
أتحيد الوناسه والرحلات ومزارع الدبش والدياي والغنم
وحصص التثقيف الصحي وانشوف الفلم العلمي ورا الفلم
نسيت أيام الفرفشة والضحك في حصص النشاط والرسم
لا تقول بروحي وبجهدي أنا اتعلمت وانا إمبوني ذكي وأفهم
قول الله يخلي من فهمني ونورني وعطاني من علمه سهم
معلمي الغالي لي وصى عليه حبيبي رسولي محمد الأعظم
قول نحن عيال زايد غفرالله له لي شجعنا على اكتساب العلم
لي حببنا في الدراسة والتحدي وعلمنا معنى التسامح والحلم
خلانا انباهي بين الدول بعلمنا بأدبنا وزال عن قلبنا الهم والوهم
غيرنا يبا الحرب والظرايب والشدة وأبونا يدعونا للخيروالسلم
شبابنا وإخوانا أرجوكم وأطالبكم بعودة هيبة واحترام المعلم
إذا أنا وأنته احترمناه وحشمناه عيالنا كذلك من معانينا بتتعلم
ليتني أتلاقا مع من علمني لأرسم حروفه على قلبي رسم
وسلامتكم
كلمات أختكم المعلمة غبيشة 
صح لسان الشاعره
الشكر الجزيل لج على طرح رائع كهذا
بارك الله فيج
جزيتي خيرا ان شاءالله
الله يوفقك ويوفق كل المدرسين
والله ذكرتيني بايام المقالب في المدرسين
والله ذكرتيني بايام المقالب في المدرسين
وين الهيبه خلاص راحت
مره رحت مدرسه الصغيرون الله يحفظه دوخت يوم شفت المدرسه شو لابسه
كانها رايحه حفله
مره رحت مدرسه الصغيرون الله يحفظه دوخت يوم شفت المدرسه شو لابسه
كانها رايحه حفله
شكرا علي الطرح
معلمي الغالي لي وصى عليه حبيبي رسولي محمد الأعظم
الله عز وجل هو العظيم ^^
تقبلي مروري ^^