ذات يوم وأنا جالسة أتأمل دجاجاتي الجميلات
وأقول في نفسي الحين شو الفرق امبينهم وبين
دجاج الشباب في المنتدى 
تراهن كلهن ريش و
وعلعول ويتشابهن أكيد أنهن دياي الدار وعربيات
لكنهن مسوايات للطبخ 
المهم آمرنا العامل وقلناله اذبح لنا ديكان سمينان
وتم لنا ما أردنا وقطعته الى قطع متوسطة
وجهزت مقادير الصالونة
الفلفل البارد والفلفل الحار
البصل طبعا
الجزر واللي يحب البطاطا يحطها
قلينا البصل والفلفل وحطينا الدجاج
وخلاف بزرناه بالبزار العربي
وقليناه بالبزار لين ما نضا البزار
وظهرت ريحته
صبينا عليه الما شوي شوي ولا تنسون اللومي
الاسود حبتين كفاية
والطماطم مب كل الناس تقهره
يعني حسب الرغبة 
وخلينا يفور لمدة ساعة تقريبا
وعاد أنتو بكيفكم تبون اتسوون فريد
ييبوا خبز رقاق
والا اتسوون عيش أبيض وياه
أو تحطون عيش يوم ينضا الدياي
وتستوي جابسة
كل الطرق تؤدي للنتيجة المطلوبة
وها الطبخة سويتها أعلم ولدي كيف
يطبخ في حال سار العزبة ويا شباب
وحبوا أنهم يسوون صالونة دياي
تراهم ثعالب مب رباعة اللحم 
والخبز الرقاق من عندي
تسلمين اختي غبيشه
يعطيج العااافيه .. وبالعااافيه ع قلوووبكم ياربي
شكرا على الموضوع الجميل
بس ما عندي في البيت حد يقدر
اونهم "ويييييع لحمه اسود)
و الله قهر