اولا اود ان اشكر اخي وعزيزي العضو الذي كان لي اكثر من اخ في محنتى هذي وبعد مكالمتى له خرج من دوام ووصل الي العزبه وعاين الحلال وكان علي طريق تم شراء الادويه
واشرف علي علاج الحلال
ولقد كانت المشكله لايوجد برايد جت في العزبه وقام العامل واعطى الحلال علف مركز اكثر عن يونينه مره وحده وتمر والله اعلم كم كمية التمر لهم وتم انتفاخ الحلال ونفوق عدد6 وانا اكتب الموضوع علما بان العامل كمل عندي سنتينومن الجنسيه المحترمه(البنغاليه) وانا متعود العامل ان يتم يتصل فينى علي اي شي في العزبه لكن تصرف فردي اداء الي المشكله والعدد المريض اكثر من 30 راس من افضل السلالات النجديه
واشكر من كل قلبي اخي العضو الذي يرفض ان اكتب عنه في مواقفه ولكن يسمح لي ان اذكر اسمه وهوه منصور العامري واقول له جزاك الف خير وقفتك تدل علي ممعدنك الاصلي
شوه في خاطركم اسوي للعامل علما بانى لم استطيع اروح العزبه لحد الان من القيض لي فينى علي العامل علما بان اقامته منتهيه ويرغب بان اجدد له وانا ماعندي مانع امس بس اليوم لا اعلم ماذا افعل به
ما بقول لك كنسل اقامته او لا تجدد له لانها قطع ارزاق
لكن حاول تعرف ليش سوى جي؟؟؟ مع انه كمل سنتين ؟؟
والله يرزقك ويبارك له بالحلال الباقي
(((رُبَّ ضارة نافعة )))
ويبارك لك وفي عيالك وحلالك
وثانيا : ان كنت تعلم ان العامل فعل هذا الفعل عمدا فالامر اليك ان شئت عفوة عنه وان شئت عاقبته وانت اعلم بحال عاملك وكما ذكرت انه اكمل عندك اكثر من سنتين وربما اخطأ العامل بتصرفه وانت تعلم انه عامل مجتهد وامين وكلنا ذو خطأ.
والاخ منصور العامري لا يستغرب منه هذا الفعل الشهم وهو دائما ما يقف مع اخوانه اهل الحلال فجزاه الله خير وكثر الله من امثاله.
واخيرا يابوراشد اخوانك جميعا في الخدمة وابشر بالعون.
بعدين في فكره براسي لكن احتمال خطأ
يمكن سوى جي لانه ما يبا يكمل وياك او محصل شغل بمكان ثاني
وبعد من ناحية ثانيه كل واحد يخطا والغلط وارد
والله يعينك
وخبرنا شو بتسوي ويا العامل
عزيزي ولد الإمارات أنت تعرف أن الأعمار بيد الله سبحانه وتعالى
وهالعدد مكتوب له الموت سواء بالمرض أو الأهمال أو بدون سبب
………….
لكن مايمنع تعاقب العامل وتهددته إذا عاود الكره ( طبعا هذا في حالة إنه عامل جيد وأنت ماتريد تفرط فيه )
لان تصرفه يدل على غباء وليس حكمة ( وهالنوعية من العمال لازم ماتغفل عنهم دقيقة )
والله يعوضك خير
ومن جهتي أشكر منصور وأقولك ماقصرت
الله يعينك على ما جاك
و الحمدلله على السلامة
و وقفت الاخ منصور وقفت رجل في وقتة
اذا كانت اخطاء الراعي واجده لا تجدد اما اذا كانت قليلة فـ (( اقبض مجنونك ….))
– الحلم سيد الاخلاق –
بالتوفيق
بالنسبه الى العامل ، طبعا انا ماحكم بمثل الامر هذا ولكن ، اذا العامل انت بنظرك تشوفه زين من قبل وماكنت عليه مشاكل فالعذر واجب ، اساله قبل ليش صار جي ، لربما هو كان يحاول يساعد . واذا ثبت انه سكت عن الموضوع المرض وماخبرك طبعا هذا يعتبر اخلال في عمله ولك الحق انك تتصرف وياه بالطريقه اللي تناسبك .
بالنهايه خذ الامور بحكمه وشوف ليش صار جذي لربما العامل له عذره ، ولك العذر اخوي في حلالك لان الموضوع مب بسيط صراحه .
وجزاه الله خير اخونا العامري وهذا موغريب على العوامر دايمن اصحاب فزعات من جد جدهم والله يبارك فيهم ما يقصرون دوم عون
وبخصوص العامل العفو عند المقدرة واحسن شي تقول له شوف لك مكان ثاني
هذا راى والقرار لك