السلام عليكم ورحمة الله وبركاته
مرحبا بكم إخوتي وأخواتي في منتدانا الطيب ومرحبا بموسم الشتاء والاجازات والأجواء اللطيفة وأتمنى لكم أوقاتا سعيدة مع عوايلكم ووربعكم ومن تحبون
واليوم عاد غبيشة يايبه اختراع بسيط في فكرته نافع في انتاجه مقتصد في وقته وكنت قد شفت الشباب يخبزون على الدرامات الكبيرة الخبز الباكستاني الكبير ولكن هاجس النظافة مسيطر علينا فقلت في نفسي ليش ما أسوي مبتكر فعال ونظيف لا تعافه النفس ف
الله يسلمكم ويسلم الشيوخ
يبت درام الشوي المعروف ذو الغطاء اللي نحط فيه الفحم من اسفله وعلى الشبك نشوي السمك واللحم
ويبت مقلاة كبيرة عميقة مال السمبوسة المستخدمة في المطاعم ولحمتها بها الشكل
واشعلت النيران
من خلال الفراغ
وحتى تشتعل النيران ويحر المخبز الجديد وتحترق الاصباغ والكيماويات اللي فيه
خلينا نجهز العجين يبنا طحين وماي وشويه ملح وعجناه وسوينا منه كور
ويبنا المحلاي وحلينا الكور
وشليتها لتتسع قليلا ومع قطرات الماء
لصقتها على المخبز الساخن الجديد
اول خبزة خطيرة لانها تمتص كل المواد والاصباغ
لي في قاعة المصخن او المقلاية
فلا تاكلونها 
فيها طعم وريحة قاز
فيها طعم وريحة قاز
ووضعت الثانية والثالثة ولكن النتيجة لم تعجبني
الخبز مب مثل خبز التنوري المعهود
فكرت وفكرت قلت خليني اقلب المقلاة يعني بالعكس قاعتها عند النار بها الشكل
وحطيت الخبزة المحلاية عليه
وقلت يارب انجح هالمرة
بدت تهل البشاير وتحمر الخبزة
صورة مقربة
وها ملخص مشروعي الجديد واللي أتمناه أن الشباب المهتمين اللي عندهم حدادين
يسوون لنا مثل هالاختراعات البسيطة والغير مكلفة
والعملية في العزب والمزارع
ومثل ما اتعرفون الخبز سيد المائدة
والاجازة والجو الحلو يولد الافكار المفيدة
أرجوكم كل اللي بيطبق مشروعي يدعي لي
ويصور لنا مخبزه كيف صار
واذا صنعتواالمخبز بروحكم ادرجوه هنا ونحن ترانا
شرايه ونشجع المنتج الوطني
وهالله هالله بالاسعار
فكرة وانتاج وعمل
أختكم غبيشة
الله يعطيج العافية
بصراحه يامشرفتنا العزيزه طلعتي خطيييره
وتسلم ايدج
والله يعطيج العافييه ع الافكار الجمييله
ماشاءالله عليج ياغبيشه
دومج مبدعة بجميل الأفكار وطريقة العرض الممتعه
تقبلي إعجابي م.هاوي
دومج مبدعة بجميل الأفكار وطريقة العرض الممتعه
تقبلي إعجابي م.هاوي
يسلام ابدعتي يالغلااااااا
الله يعطيج العافية
اي اجازة
اقتباس:
|
المشاركة الأصلية كتبت بواسطة العديد
 الله يعطيج العافية
|
اقتباس:
|
المشاركة الأصلية كتبت بواسطة المزيون
بصراحه يامشرفتنا العزيزه طلعتي خطيييره
وتسلم ايدج والله يعطيج العافييه ع الافكار الجمييله
|
اقتباس:
|
المشاركة الأصلية كتبت بواسطة م.هاوي
ماشاءالله عليج ياغبيشه
دومج مبدعة بجميل الأفكار وطريقة العرض الممتعه تقبلي إعجابي م.هاوي |
اقتباس:
|
المشاركة الأصلية كتبت بواسطة راعيه العزبه
يسلام ابدعتي يالغلااااااا
|
اقتباس:
|
المشاركة الأصلية كتبت بواسطة muwad3
الله يعطيج العافية
اي اجازة |
سلمكم الله يا الغاليين من كل سوء
ومشكورين على هالتشجيع والكلام الطيب
وترانا نتعلم منكم ونستفيد وخلونا انشوف منكم الجديد
اشكر طرحكم الفكره والموضوع … أن شاء الله نصور لكم اخر اختراع … لعمل الخبز …. الله الموفق
يعطيج العافيه اختي غبيشه,,,
نظام بكستاني بس اتوقع انه طعمه لذيذ