السلام عليكم ورحمة الله وبركاته شو رايكم في التهجين الهندي على السواكني ابغي رايكم يتأهل الخبره وشو من الفحوله تنفع اكثر حق الهنديات
السلام عليكم اخوي
الهندي كلشي يمشي وياه
اذا بغيت النتاج كبير عليك بالنجدي
و ان بغيته مشحم و قصير عليك بالنعيمي او الحري
ام السواكني ما جربته لكنه مثل النجدي اعتقد
لو تكتب بحث في قوقل بتحصل صور الانتاج المهجن
هذا والله اعلم
و الله يوفقك
الهندي كلشي يمشي وياه
اذا بغيت النتاج كبير عليك بالنجدي
و ان بغيته مشحم و قصير عليك بالنعيمي او الحري
ام السواكني ما جربته لكنه مثل النجدي اعتقد
لو تكتب بحث في قوقل بتحصل صور الانتاج المهجن
هذا والله اعلم
و الله يوفقك
تسلم اخويه يابوسالم
معقوله محد من الشباب يهجن
نا شايف تهجين النجدي بالهندي عند اخونا ابو شما ( محمد الهاجري ) والانتاج يا نوعين يا هندي او نجدي وكان التهجين على نطاق واسع يعني كانن المواليد بروحهن 500 راس تقريبا بس ما اذكر اني شفت شي من الانتاج يحمل الصفتين صفة النجدي والهندي .
بالنسبه للسواكني بالهندي ما كد شفت
وانا مره نسيبي ياب ياعده هنديه وقالي افك فيها فحلي الصومالي ويابت رخل شكلها على صومالي بس فيها ذيل مثل الهندي وموجوده للحين في المزرعه ولكن بشوفها لك وبصورها لان ما ادري الحين كيف صارت هل سوت صوف والا لا او طلعت ملسا مثل الصومالي.
نصيحتي لك في التهجين ان تهجن بين فصيلين اصلي على اساس اتشوف نتائج التهجين ويكون العدد كبير شوي على شان تتضح صورة التهجين اكثر ولا اتهجن شي مهجن مثل غنم الدار بشي اصلي لان جذيه بيطلع عندك تلوث جيني وما بتعرف نتائج تهجينك.
اتذكر دائما التهجين ايكون بين فصيلين اصلي وعلى ان تبقي على السلاله الاصليه بين الفصيليين مب تمحيها .
السواكني بالصومالي انا هجنت وكانت النتيجه نص بنص ومن ثم رديت الهجين على صومالي اصلي وبدا يرفع الذيل ويصير ليه وعطاني احجام وسط بين الصومالي والسواكني ولون حلو.
واخيرا لازم يكون تهجينك يوصل مرحله اذا تكاثر بروحه ما يطلع عن النتيجه الاخيره اللي توصلت الها يعني مثل الشاميات ( نص سوري ونص بكستاني ) ولكن اذا اتكاثرن يعطن شاميات مب مره شامي ومره بكستاني
او مثل بورقوت ( وهو فصيل مهجن من عدة انواع ) اذا تكاثر يعطي بورقوت مب اشياء مختلفه وبها الطريقه تهجينك سليم ميه بالميه وتقدر اتسميهن اي اسم تنسبهن لك سويديات نعيميات سواكهنديات هاموريات
بالنسبه للسواكني بالهندي ما كد شفت
وانا مره نسيبي ياب ياعده هنديه وقالي افك فيها فحلي الصومالي ويابت رخل شكلها على صومالي بس فيها ذيل مثل الهندي وموجوده للحين في المزرعه ولكن بشوفها لك وبصورها لان ما ادري الحين كيف صارت هل سوت صوف والا لا او طلعت ملسا مثل الصومالي.
نصيحتي لك في التهجين ان تهجن بين فصيلين اصلي على اساس اتشوف نتائج التهجين ويكون العدد كبير شوي على شان تتضح صورة التهجين اكثر ولا اتهجن شي مهجن مثل غنم الدار بشي اصلي لان جذيه بيطلع عندك تلوث جيني وما بتعرف نتائج تهجينك.
اتذكر دائما التهجين ايكون بين فصيلين اصلي وعلى ان تبقي على السلاله الاصليه بين الفصيليين مب تمحيها .
السواكني بالصومالي انا هجنت وكانت النتيجه نص بنص ومن ثم رديت الهجين على صومالي اصلي وبدا يرفع الذيل ويصير ليه وعطاني احجام وسط بين الصومالي والسواكني ولون حلو.
واخيرا لازم يكون تهجينك يوصل مرحله اذا تكاثر بروحه ما يطلع عن النتيجه الاخيره اللي توصلت الها يعني مثل الشاميات ( نص سوري ونص بكستاني ) ولكن اذا اتكاثرن يعطن شاميات مب مره شامي ومره بكستاني
او مثل بورقوت ( وهو فصيل مهجن من عدة انواع ) اذا تكاثر يعطي بورقوت مب اشياء مختلفه وبها الطريقه تهجينك سليم ميه بالميه وتقدر اتسميهن اي اسم تنسبهن لك سويديات نعيميات سواكهنديات هاموريات
هههههههههههههه يعطيك الف الف الف عافيه اخويه السويدي
عليك بالنجدي ينفع حق كل تهجين ماشي مثله ابدا
هلا وغلا اخي الكريم انا هجنت بين الهنديات والنعيمي وطلعن اغلب العيال ماخذات الشكل النعيمي بس الكفل مالهن غير ياي شكله مخروطي يعني كبير من فوق وصغير من تحت بس ماشاءالله يسون شحم غير عادي ويكون عرضهن اكثر من الارتفاع وعزلت حاليا 25 راس وفكيت فيهن فحل حري اصلي بس بعدهن ماولدن وعندي نسيبي مهجن بنجدي ويمدح انتاجه ويقول الاقبال عليهن فالسوق اكثر خاصه ان اللون الاسود مرغوب على قولته الطلي الاسود ب 800 والابيض ب 700 ومايعرف شو الحكمه
يعطيك العافيه بومحمد ومشكور على هاي المعلومه الصراحه أنا فاج فيهن سواكني واليعد الى عندي كلهن معشرات امنه وانشاء يكون انتاجه طيب وبوافيكم بالانتاج اذا الله احيانا*
تسلم ع طرح الموضوع .. واشكر الشباب ع المعلومات الطيبه …. الله يبارك لك في حلالك .تقبل مروري