مرحبا اخواني واخواتي الكرام
عندي استفسارات ؟؟؟ عجزت القى لها اجابات
تعبت من التفكير ..صرت احلم بالصيصان وافكر فيهم ليل ونهار
هل لازم احصن الصيصان ؟؟؟ اذا كانت الكمية صغيرة
بعدين ناوية اشتري كمية فوق الـــ 300 اذا بيحتاجون تحصين شو التحصينات المطلوبة
وبعدين اغلب التحصينات ما احصلها عند الصيدلية البيطرية
سألت البيطري آخر مره عن تحصين نيوكاسل قال ماشي..واذا الكمية اللي عندج مب تجارية ما انصحج تدخلين نيوكاسل للبيت لانج لو استخدمتيه مره عقب لازم كل انتاج لازم لازم تحصنين نيوكاسل
فرضا استخدمت التحصينات …منو اللي بيحصن لي صيصاني؟؟؟
انا ما اعرف ..خاصة سالفة الابره في الجناح والابره تحت جلد الرقبة ..واذا الكمية كبيرة شو اسوي
وإلا اخليهم يعيشون على البركة ..واستخدم خطات تقوية المناعة اللي في المنتدى
وفي النهاية شو رايكم اشيل فكرة الدياي من راسي وارتاح وانسى حلم الطفولة
(مزرعة دواجن صغيرة)
|
المشاركة الأصلية كتبت بواسطة خالد بن عمير
 الله يكون في عونك … تواصل مع المزرعة بيفيدونك بكل مايلزم ….. تقبل مروري
|
تسلم اخوي على المرور والمشاركة
اختك: قلادة ذهب
وكل نوع من التحصين يكفي ل ١٠٠ طير
واسعارهن معقوله ٣ تحصينات ل ٣ أسابيع
ب ٤٥ درهم وبعدين أستخدمي بودرة الثوم
أو البصل وأنصح بعلف أبوظبي الخاص بالصيصان
|
المشاركة الأصلية كتبت بواسطة bin hamed
أختي في تحصينات توضع في الماء
وكل نوع من التحصين يكفي ل ١٠٠ طير واسعارهن معقوله ٣ تحصينات ل ٣ أسابيع ب ٤٥ درهم وبعدين أستخدمي بودرة الثوم أو البصل وأنصح بعلف أبوظبي الخاص بالصيصان |
مشكور اخوي على المشاركة
هل كل التحصينات تنحط في الماي؟؟؟
لاني ما ابي اضرب الصيصان ابرة نهائيا
بالنسبة للعلف مب موجود عندنا علف ابوظبي.. اخذ علف خاص للصيصان بس انتاج امارة ثانية
|
المشاركة الأصلية كتبت بواسطة عيسى المميز
|
تسلم اخوي عيسى ربي يجزيك كل خير
جاري الاطلاع على الموضوع