ياأخواني في موضوع وايد قاهرني وبا أناقشه وياكم بدون زعل:الموضوع هو سوق الشارقه للمواشي وما أدراك ما سوق الشارقه للمواشي يتلخص الموضوع أني سرت يوم السبت السوق أدور ذبايح أو حلال طيب للبيع بس ماحصلت شي يسوى حصلت النطيحه والمترديه وما أكل السبع وحصلت الاسعار ماتصدق معنه هذا الكلام بعد العيد والحبايبب واصحاب البيع من الهنود والباكستانين والمواطنين مصدقين عمارهم بالاسعار يعني تيس جزيري عمره خمس شهور هزيل وفيه سبعميه عله يباه بخمسميه ولا بعد الهندي صاحب الحلال يوم تكاسره أيعصب ويقولك تبى تشتري هذا سعره والارباب المواطن بعدهذا روحه قصه شفت عنز أيرانيه تحتها تيس العنز فاطر ويمكن باجر تموت والتيس يعري الحبيب يباهم بالفين بغيت أفلعه بحصاه يوم قالي السعر لا بعد يوصفها تقول خيل أصيله من أسطبلات الشيوخ
: ياهربع وين البلديه عنهم ياتجار قلنا التجاره شطاره بس مب هذه الطريقه هذا والله حراااااااااااااااام أتقوا الله في الناس وأسف ياهربع على الاطااااااااااااااله بس أبغي رايكم في الموضوع
كلامك صحيح وهذا الواقع وما أعتقد انه بيتغير لأن صاحب الحلال بكل سهوله بيقول لك إن الأعلاف صارت غالية وكلامه صحيح الأعلاف غالية فينجبر الواحد يرفع من سعر الذبيحة لأنه دافع على طعامها اكثر من القيمة اللي بيبيعها في السوق
وتطعيم الحلال وعلاج الحلال ومصاريف العزبة والعامل والماي هذي كلها مصاريف من غير الأعلاف
ولو تكون الرقابة في البداية على الأعلاف والأدوية والعلاج من قبل البلديات في الدولة
وبعدها تتم الرقابة على الأغنام وأسعارها في السوق
طبعاً أنا ما أدافع عن ارتفاع الأسعار بس هذا هو الواقع
أرجو تقبل تعقيبي على الموضوع وابداء الرأي فيه
مع أجمل تحياتي
تحياتي لكاتب المشاركة
تحياتي للجميع ..
الله يرحم ايام زمان ….. كان الجزيري … 90 درهم …… واليوم 500 درهم ….. أضعاف …..
واللي يريد الزين يدفع الغالي …..
عيل كيلو اللحم بــ 26 بل موب لحم
عن نفسي اتم باليوع و لا اربحهم الله لابارك فيهن من تجار
ومشكور اخوي ابوحمده