معلومة عن تفقيس بيض البط في الفقاسات 2024.

اخواني الاعزاء عندي مجموعه من البط لا بأس بها في الشتاء الامهات يركن على البيض ونسبة التفقيس ما شاء الله تكاد تكون 100% ولكن في الصيف لان ما فيه عنابر وتكييف بالطبع مع جونا الحاااار حرارة مب طبيعية يضطر المربي انه يستخدم الفقاسات عشان فترة الصيف طويله ويستغلها في عملية الانتاج واشتريت الفقاسات شي من الميدور وشي من الادهم وشي من اخونا الخنجري ولكن للاسف النتيجه كانت نسبة ضعيفة في عميلة التفقيس مرة ومرتين وثلاث واربع وخمس اوووووف سالت نفسي ليش حرارة واوكي رطوبه واوكي وماي ورشينا مثل ما يقولون عشان نبرد البيض وفي النهاية نفس النتيجه والبيض ما فيه شي مخصب ويديد عيل شو السبب ؟؟!!!!! دورت في المواقع وبصراحه المواقع العربية ما فادتني بشي لين حصلت موقع انجليزي وحاولت اقراء وافهمه المهم طلعت عندي مشكلتين :
1 ) ان البيض في ايامه الاخيرة في الفقاسه لازم يكون مفروز ميه في الميه يعني اي بيضه خربانه لازم تنشال لانها تاثر على جو البيض الحي وتنقص الاكسجين اللي في الفقاسه لان الاكسجين عامل مهم جدا في عملية التفقيس
2 ) الرطوبه وغرفة الهواء اللي في البيضه يعني البيضه في ايامها الاخيره تفقد من وزنها (السوائل) وتزيد مساحه غرفة الهواء واذا ما زادت معناته ان الرطوبه زياده لازم نخفها وان الصوص ما بيعرف يطلع والبيضه بيكون فيها سوائل اكثر من اللازم وبيطلع هذا اذا ما مات ملزق وحالته حاله تقول صمغ فيه لكن اذا غرفة الهواء تكبر بالتدريج يعني الرطوبه اوكي ونزيدها شوي بس في اخر يومين تقريبا

الخلاصه : يوم تابعت موضوع غرفة الهواء لقيت اني مخربط الدنيا والحمد لله نسبه الفقس عندي تحسنت شوي بس تبالها ترتيب يعني غيرت شوي من صحون الماي اللي يايه مع الفقاسات واهتميت بفتحات التهويه وحطيت قياس الرطوبه واهتميت اكثر بتعقيم وفحص البيض والفقاسه اكثر

مادري اذا الموضوع يهم حد والا لا بس كل ما اسال حد يقولي بيض البط يباله عباله وما يفقس وصعب انا واحد جربت هو صحيح ما وصلت حتى 60% لكني تطورت شوي