اخواني الكرام الاعزاء اعرض لكم هذا الفحل من انتاجي توه ماقرع عندي , وانا متردد فيه ورايكم يهمني جدا جدا
ارجوكم كل الرجاء عدم المجامله فيه هل هو يصلح اهده مع الغنم او لايصلح انا عندي غيره فحوله
بس اللي محببني فيه اهله طيبين حيل وجسمه وجرمه طيب ورفعه ماشاء الله , اذكرو الله
تقبلوا تحياتي وانتظرو المفاجأه القادمه
المطيري
بو فهد
اشكر مروركم الكريم
وفي انتظار نظرة باقي الاعضاء
فحل طيب يالمطيري و يصلح للتفحيل
ولكن بإمكانك تفحيل أفضل منه وهذا بنائا على عرضك الي شفناه (سويسرا)
سويسرا رخل خصم وهذا دليل على ارتقائك في الانتاج
فعليك بالفحول الي ممكن تنتج مثل سويسرا وأفضل
تحياتي لك أخي العزيز
رغم ان يوجد في الساحة من هو افضل منا رايت ان ادلي بدلوي في هذا الموضوع.
الفحل حسب الصورة لا اقول بان الافضل ولكن ما يمنع بان تقرعله من 5 الى 7 شياه وتشوف انتاجه لان الظاهر لي انه طيب وحاول تعطية الامهات البرق والرووس الطيبة.
هذا راي والله يوفقك.
صالح الخياط كلامك كله عدل طال عمرك ودك بشي خصم ولا بلاش
الدهماني حلوه فكرتك اني اركبه على سبع شياه بس تكون خصم وتشوف انتاجه
راح يقط ضخامه جسم وراس خصم
بيض الله وجيهكم وماقصرتوا
اخوكم : المطيري
الله يبارك لك في هذا الفحل الطيب
وتشوف من الي يسرك ويربحك ان شاء الله
ولو تقدر تقيس ارتفاعه بيكون افضل لان لي وجهة نظر
تحياتي بوسعيد
انشالله راح اقيس ارتفاعه وارسلك رساله خاصه كم ارتفاعه
واشكرك على مرورك الكريم