بعرض عليكم اليوم (هداد )
من الانتاج
الام : حره اول انتاج
الاب : مهجن
عليه سوم 30000
غير معروض للبيع
الله يباركلك فيه اخووي مايهاب,
اخوي ما يهاب بغيت اتخبر عن انتاج الحراير في الركض هل انتجن شي من الهجن المعروفه حاليا او من قبل
واذا انتجن من بعير محلي هل يعتبر الانتاج محلي ام انه مهجن
وعلى شو افضل انتاجهن على المهجنات او المحليات او السودانيات
وان شاء الله فالك السبق والناموس
|
المشاركة الأصلية كتبت بواسطة راعى وضحى
 بسم الله وما شاء الله عليه..
الله يباركلك فيه اخووي مايهاب, |
والله يبارك لك بالمثل في ماتملك ياخوي
|
المشاركة الأصلية كتبت بواسطة google
ما شاء الله تبارك الرحمن
اخوي ما يهاب بغيت اتخبر عن انتاج الحراير في الركض هل انتجن شي من الهجن المعروفه حاليا او من قبل واذا انتجن من بعير محلي هل يعتبر الانتاج محلي ام انه مهجن وعلى شو افضل انتاجهن على المهجنات او المحليات او السودانيات وان شاء الله فالك السبق والناموس |
نعم انتاجهن اقوى من المحليات
واقوى انتاج لهن من السودانيات بس التركيبه محتاجه احتراف
وانا والحمدالله عندي مثلا البعير اللي في التوقيع ( حر ) الموسم اللي فات سابق بدون منافس في مهرجان قطر
وقبل اسبوع سابق بدون اي ظرب
بخصوص انتاج الحراير هذي بعض المعلومات
الاسطورة (الطياره ) غنيه عن التعريف ناقه محليه 100%
سبقتها (الغزيل ) ناقه حره شارنها الشيخ محمد بن راشد من السعوديه 4000000
البعير الملقب (العيناوي ) بعير بن عيلان المهيري رصيده تسع سيارات امه حره وابوه سوداني
(منصوره ) ناقه القعقاع بن خليفه ابوها ولد جبار وامها حره
(الشبله ) ناقة المرحوم له بأذن الله الشيخ زايد حره صافيه مشرايه من السعوديه
(مناور) و (الكايد ) وغيرها وايد من الركاب ولو بكمل الموضوع بحتاج انزل موضوع خاص بالحراير وانتاجهن
صورة العيناوي
الموضوع محتاج احتراف
الحراير انواع ومواصفات مختلفه
وان شاء الله اني بزورك تعلمنا شوي عن الحراير وسلالتها
وهذه قصيدة للشاعر راشد بن شرار عن الشبلة
فــزت الشبلة من الجبله *** من عقب مــا دارت الدوره
بين دلي وركض مبتهله *** من العصا والروغ محظوره
ناقــةً شـقــرا ومعـتـدله *** باللــحم مـــا يات مـمــزوره
أخطــفت من الركض منتسله *** كالظبي يفلا ومذعوره
راكضه للفوز معـــتجله *** تــطوي الـدوره ومغـــموره
وقعت الأول وهـــي لأجله *** للعرب من قبـــل مذكوره
شوقــت من حاضر الحفله *** يوم يت للفوز منصوره
ناقة اللي مروي بفضله *** كــل من في المدن وبروره
جـــل ربي لــي خلق مــثله *** فايج بإخصال مشهوره
زايد الخيرات نفرحله *** يعل نـــفسه دوم مــــسروره
كــلنا شعبه ونتبـــعله *** ما نخــــالف أمره وشــوره
وحـــــق المضمر نباركله *** لي سد بالفوز جمهوره
الفــــلاحي لي سما بأصله *** له زهور الفل مــنثوره