السلام عليكم ورحمة الله وبركاته … اسعد الله اوقاتكم يالربع عندي ناقه بكر من يومين ولدت وجافله من ابنها البوش في الرمله وولدت بعيد شوي من العزبه ودورت لابنها ولقيته ويوم اصبحت انكرت ولدها ولاطاعت ترضعه الحوار يجيها ويرضع بس هي ماطاعت تدر انا قيدت ريولها وايدينها لنها ترمح ولدها اليوم احسن شوي بس ماطاعت تدر وكل ماسرت لها ولا اتصلت بالراعي قال ماعطفت المهم بعض الربع يقولون ضيرها على ابنها والحين حبيت اسئلكم واشوف اذا شي طريقه ثانيه الي عنده خبره لايقصر ي خوان شما وفالكم التوفيق.
إن شاء الله أهل الخبره ما بيقصرون وياك
اخي الكريم هذي الظاهره غالبا ماتحدث عند الاباكير ولاتهتم يومين وبتركب انشاءالله
بس الي ابغيه منك انك تحطها في غفص مع ولدها وتحاول تغطي الغفص من برى بحيث
ماتشوف الا ولدها وخبر الراعي يحاول يخنق الناقه اشوي يقطع عنها الهواء مدة دقيقتين
يوم واحد وبتغار عليه باذن الله هذي مسونها فوق العشر مرات وناجحه
مياء النوار على الجميع صحيح نادر مايطلع في البكار اناعندي حاله من قبل سنتين بس لحقة عليه ضيرت والحمدلله شلت بنتهاه
ومنكم نستفيد
صحيح كلام اخوي ناوي ومابزيد عن كلامه لانه ميه فالميه كلامه صحيح
السلام عليكم
ما عليكم زود أهل الخبره طالع عمرك اليفول لا ما نفع معها اللي تفضلوا به الاخوه
عزل الولد الفجر ووقت المضحى يود البكره وحط فخشمها دوخه وقطع نفسها ثواني
وخلاف خلها لين يرغي الحاشي ودخله على أمه وبإذن الله اذا ما ردت البكره عند المعشى بترد
ما عليكم زود أهل الخبره طالع عمرك اليفول لا ما نفع معها اللي تفضلوا به الاخوه
عزل الولد الفجر ووقت المضحى يود البكره وحط فخشمها دوخه وقطع نفسها ثواني
وخلاف خلها لين يرغي الحاشي ودخله على أمه وبإذن الله اذا ما ردت البكره عند المعشى بترد
ودمتم بود
تحذر تضيرها حرام دامها يابت قعود شله عنها وضربها
وبتلقح انشاءالله والحول تولم عاد تحذر تنعاد الكره
اقل لكم قصة حدثت عندي بكرة رفضت تشيل ولدها من اول يوم وفي اليوم الثاني اشار الي صديق مثل
ما قال اخوي ناوي وضعنها في شبك من الصباح وما جاء العصر حتى ركبت ولدها طبعا هذا بعد تقييد رجليها
والعلف والماء عندها لانها اذا شبعت رزمت على ولدها وشلته
وعندي بكرة ثانية سويت هذه الطريقه معها ما شالته الا بعد خمسة ايام بشرط عدم تركه لابد من ارضاعه منها
وتركه معها
ما قال اخوي ناوي وضعنها في شبك من الصباح وما جاء العصر حتى ركبت ولدها طبعا هذا بعد تقييد رجليها
والعلف والماء عندها لانها اذا شبعت رزمت على ولدها وشلته
وعندي بكرة ثانية سويت هذه الطريقه معها ما شالته الا بعد خمسة ايام بشرط عدم تركه لابد من ارضاعه منها
وتركه معها
السلام عليكم ورحمة الله تعالى وبركاته
أهم قواعد النجاح في الحياة، أن تستفيد من تجارب الذين حولك.. فالمجتمع يمتلئ بالخبرات في كل المجالات. ولذلك إذا أردت أن تنجح في حياتك، درب نفسك على أن تتعلم من الآخرين. إسأل الناجحين في الحياة عن سر نجاحهم، واعتبرهم قدوة لك. وحاول الاستفادة من تجاربهم واسألهم وتعلم منهم .