يالله الحين بانزل درس في ترتيب السندويتشات بطريقه حلوه ومشهيه ….
سندويتش اللبنه …
انجهز الروتي الشرايح وانقطع الاطراف ……
نضع اي حشوه انا حطيت في الطبقه الاولى زبده + لحم تركي مدخن …
في الطبقه الثانيه وضعت جبنة فلادليفيا + شرايح زيتون اسود ….
الطبقه الثانيه وضعت جام اي مربى …..
سكرتها بطبقه رابعه …..ثم مسحت عليها لبنه من جميع الجهات…..
بديت مرحلة التزيين طبقه من البقدونس المفروم ….
طبقه من الجزر المفروم…..
بعدين حطيت شوي سماق على الاطراف ومن فوق عملت خطوط عريضه بالزعتر…..
وهذا الشكل النهائي ……وام سعيد امجهزه قهوتها تحسبها كيكه…
نبتدي انقطع ……
وهذي شريحه شهيه ولذيذه لكم عن خاطركم…..
اخت المنتدى
اصيله
. وماشاءالله عليج يا اختي ام عبداللعزيز ربي يحفظج لاهلج وزوجج وعيالج وعقبال ماتكون في كل بيت ام او زوجه او بنت بنفس ابداعج أنا اوصي انج تفتحين معهد تعليمي حق هالامور )’: وصلنا حق جيل بيض محروق وسونيتا تسوي سندويج جبن. والروتي يابس هههههه
وبصراحه. مواضيعج لازم الدخول فيها باشتراك شهري ههههههه
وفي انتظار رقم الشركه
والغرىب ما ناخذه….
كملوا عاد انتو مناك
مشكوره على الفن والتميز.
هاي انا ما باكلها بس بخليها للتصوير فقط
ماشاءالله عليج ابداع في ابداع
الله يطول عمرج ويبارك فيج
صدق انج كل يوم تبهرينا وتسعدينا بلاشياء الجديده المبتكره الحصريه عند الشيف اصيل
|
المشاركة الأصلية كتبت بواسطة التميز عنواني
 ربي يعطيج العافيه ويطول بعمرج
. وماشاءالله عليج يا اختي ام عبداللعزيز ربي يحفظج لاهلج وزوجج وعيالج وعقبال ماتكون في كل بيت ام او زوجه او بنت بنفس ابداعج أنا اوصي انج تفتحين معهد تعليمي حق هالامور )’: وصلنا حق جيل بيض محروق وسونيتا تسوي سندويج جبن. والروتي يابس هههههه وبصراحه. مواضيعج لازم الدخول فيها باشتراك شهري ههههههه وفي انتظار رقم الشركه |
اشكرك على كلامك الطيب من طيب اصلك ….
بالنسبه للبيوت صدقني ما شاء الله اللي اشوفه عند الكثير كله ابداع وترتيب والحمدلله ..
اما سونيتا وبابو ما لنا غنى عنهم
والبيض المحروق لجيل اليوم بداية انطلاق للامام ….. والله ان جيل اليوم يفاجأنا بابداعاته بالرغم انهم ما تعلموا على يد حد الا انهم يعملون طبخات احنا ما نعرفها…
واحب الراحات الله يطول في عمر بو العيال ما افكر افتح معهد لا صدعه ولا طلعه
تسلم وبارك الله فيك