عيدكم مبارك وعساكم من العوادة
اليوم أنا حاط هل الموضوع عشان أعرف إلي مايعرف عن الدجاج الفايتر
بسم الله الرحمن الرحيم
أول شي نبدأ بالأنواع
أولا:
شي وايد أنواع من الدياجه الباكستانيه بذكر بعض منها
الأنواع هي
1-السندي:يتميز هذا النوع بالطول مثل طول الأرجل و الرقبه
2-الميوالي:يتميز هذا النوع بقصر القامه
3-الماديا:يتميز هذا النوع أنه يشبه الدياي الباكستاني كثيرا
4-الجاكيري:يتميز هذا النوع بكبر حجم الرأس.وهذا شبه نادر.والجاقيري أكثر شي عند تمكس سندي على ماديا
أما الحين بتكلم عن أنواع التاج(العرف)
1-الشانجرا:يكون عرفه طويل وشبه مثلث شرات اليبل
2-التوبو:يكون العرف مرتفع عن الرأس بشكل طولي
3-التكي:يكون العرف كبير الحجم وشبه ملتقص على الرأس
4-السنياسي:يكون العرف ياي على صوب (نازل على الطرف)
والحين بتكلم عن الألوان
1-اللال:أحمر وأسود
2-اللال بار:نفس اللال بس يكون على طرف يناحه لون أبيض
3-اللال كالا:الرقبه لونه أحمر والجسم أسود وشي أحمر بس اللون المنتشر بكثره في الجسم هو الأسود
4-النارنجي:يكون لونه برتقالي
5-الخاكي:الون المنتشر بكثره في الجسم هو الرصاصي وأيضا في أنواع أخرى من اللون الخاكي مثل البني والأحمر وغيره
6-الميتا:لون تقريبا أصفر ما تقريبا مثل لون قشره الزنجبيل
7-المهندي:لون الحنه
8-الجاوا:ذهبي وأسود وأبيض ويكثر الذهبي في الجسم
9-ساوا جاوا:ذهبي على أسود
10-الهيرا:اللون الأبيض
11-الشينا:هو اللون البني
12-ناسي:طبعا أكثريتكم مايعرف هذا اللون.هو لون اليمر.وإ، شاء الله في موضوع ثاني بحطي الصور مع الألوان
13-الماديا:يكون أي لون من اللي ذكرته بس يكون بطريقه مميزن وهو أنه يكون في جسمه لون على شكل مربع إذا حصلت ديج شي لونه بس مب مدايا أتأكد أنه فيه عرج ماديا يعين كروس(مكس)
أحين بعطيكم طرق مختصره لتدريب الديج وتقويه بنيته
شي طرق كثيره لتقويه بنيه الديج ومنها
التياري:تمشي ورا الديج .مثلا تبدى بخمس دقايق وكل يوم أو يومين تزيد المده.وأيضا شي أكلات خاصه مصنوعه في البيت.بس ما أقدر أذكرها لأنها صعيه شوي ومتعبه .وشي طرق ثانيه لتقويه بدن الديج لغرظ الفايت فقط وطبعا هذا مانحتاجة
أحين عن أسعار الدجاج الفاتير
كل ديج أو ديايه له سعره
أبدا بالفروخ: من عمر يوم لين شهرين تقريبا السعر يكون 50-150 أو أكثر على حسب قوه النسل
من 3 شهور لين 5 يكون السعر 200-400 أو أكثر على حسب قوه النسل
من 6 شهور لين سنه 500-900 أو أكثر على حسب قوه النسل
من سنه وفوق 1000 أو أكثر على حسب قوه النسل
وطبعا الدياي يكون سعرهم أقل من الدياجه
أخيرا وليس آخرا كيفيه معرفه قوه نسل الديج
أبدء بالعين يكون لون العين أبيض و أصفر . والكثير من الأعضاء يتحسبون أن اللون البرتقالي هو نسل مب شي على عكس شي بعض الدجاج الفايتر نسل يكون قوي جدااا ولكن صعب معرفة ذلك إلى من أهل الخيره والمعرفة
الرجل والمنقار يكون اللون أصفر أو أسود وهذا أحسن النسول وطبعا شي الأبيض المعروف عند أكثر الشباب ولكن المطلوب بكثره هو الأسود والأصفر
وشي مناطق ثانيه بس صعب أذكره في الموضوع
وشي طبعا وايد أنواع من الدجاج الفايتر مثل:التايلندي,التركي,السوري,الفيتنامي,الهندي,وغيره الكثير الكثير وطبعا هل الألون والمواصفات تنطبق على باجي أنواع الفايتر
هذا الموضوع غير منقول من كتابتي
وفي وااااااااايد أشياء ماذكرتها لأني ما بخلص بس أهم شي عطيتكم المختصر المفيد
وإن شاء الله أكون قد كفييت ووفييت
وإي أستفسار أنا حاضر في أي وقت
مع تحيتي
أخوكم
محمد الصايغ(شوقين)
|
المشاركة الأصلية كتبت بواسطة xxx rooster xxx
 مشكور شوقين على الموضوع الطيب زين انه في ناس بعدها تتذكر الباكستاني ههههه … التايلندي والفيتنامي خذو السوق منه … ولو عندك معلومات عن البيشاور ضيفها
|
تسلم أخوي على المرور
والباكستاني مايطيح سوقه أبدااااا لو مر 200 سنه.ولي مايعرف عن الباكستاني يشويه ^ــــ^
ونا بقولك ليش الكل قام يتجه لتربيه التايلندي وغيره.
لأنه الباكستاني له نسول كثيره وألوان غريبه وعجيبه وصعب معرفه النسل من الآخر
أما التايلندي وغيره شكلهم معروف وتقدر تميز بينهم.
أما الباكستاني صعب تميز النسل من الآخر
وبخصوص سؤالك عن البشاوري الله يسلمك البيشاوري
أييك ريوله قصار ومنقاره قصير تقريبا تقدر تقول ميوالي.بس شوي أطول
وهذي صوره توضيحيه للبيشاوري
والسموحه منك
موضوع اكثر من ممتاز يعطيك 1000 عافية على المجهود الرائع
سؤال على الطاير
كم لك تربي الدجاج الفايتر وهل هناك مسابقات خاصة بالفايتر في الدولة او الدول المجاوره
واقصد هنا مسابقات تختص في الجماليات والألوان ؟
|
المشاركة الأصلية كتبت بواسطة راعيها
ما شاء الله عليك يا خوي يا محمد مرجع في الفايتر
موضوع اكثر من ممتاز يعطيك 1000 عافية على المجهود الرائع سؤال على الطاير |
وبخصوص المده ماصار لي فتره تقريبا ثلاث سنوات.
بس الحمدالله خذيت الخبرة من أقدم المربين في الإمارات.
بس بعدني في بدايه الدرب وإن شاء الله أصير واحد منهم.
وبخصوص المسابقات نعم في مسابقات في الكويت والبحرين
وتايلند أيضا وغيرهم من الدول
ولكن أنا ماعندي خلفيه كبيره عن المسابقات
|
المشاركة الأصلية كتبت بواسطة عيال شهيل
مشكوووور ع المعلومات القيمه الصراحه استفدت يعطيك 1000 عافيه
|
يعطيك العافيه آخوي علي
|
المشاركة الأصلية كتبت بواسطة عيسي عيناووي
الله يعطيك العاافيه
|
الله يعافيك دنيا واخره
تسلم ع المرور