حبيت أحط لكم بعض الصور من بداية مشروع المزرعة الي بديت بترتيبها والتي راح تحتوي بإذن الله على عدة أقسام ، منها ، قسم للأغنام ، قسم للحمام الطيار ، قسم لإنتاج الدجاج ، وهناك العديد من الأقسام الأخرى ، راح نخليها بوقتها
وهذي صور لبداية العمل
أول شي ، عملت قواعد اسمنتيه ( صبيه ) الي راح تكون لطيوري العزيزه للحمام الطيار
وبعدين الحديد وصل على المزرعه وتم العمل على دهنه بماده عازله عن الصدأ ، وبعدين اللون الأزرق ( نصراوي )
وبعد كم يوم عمل بدت الأقفاص تاخذ شكلها
وبعد ما خلصنا من الفريمات ، وصل العازل الحراري للأقفاص الطيران وبدأ التركيب ، لكن بعدنا ما خلصنا ولما نخلص راح نحط لكم الصور الباقيه
وهنا لقطه لقسم الأغنام – 8 أقسام كبيره ، والأغنام المتخصص فيها البنجابية والباكستانيه
ودعواتكم لنا بالتوفيق
بارك الله فيك بو راكان
وهذي صور جديده لمراحل تركيب العازل لسقف زرب الغنم ، ونقلت الأغنام وباقي من العمل باذن الله أسبوع ، وننقل باقي الطيور والحيوانات
الله يوفقك انشاء الله
ما شاء الله ترتيب عدل أخوي الله يوفقك في المشروع
في مقوله تقول بعد التعب راحه……الله يعطيك ألف عافيه
تقبل تحياتي أخوك خط الوقن…….
والله يوفقك ياخوي وهذي البدايه الصحيحه في التجهيز الاولى وحلو انك وثقت هالشي
ترتيب متعوب عليه
بس عندي ملاحظه وهي قسم الاغنام صغير لو كان اكبر افضل لكي تأخذ الاغنام راحتها ولان العدد مستقبلا سيزيد…..
أختي أصيله شاكر لج ملاحظتج ، قياس كل قسم 11 متر في 6 أمتار ، وهم 8 أقسام وراح يكون بكل قسم عدد مناسب ، والطريقة الي مسوي فيها زرب الغنم ، أنه بالمستقبل حتى لو طلعت كل الأغنام وحبيت أربي أنواع أخرى مثلاً طيور ما يكون عندي أي مشكله ، يعني 2 في واحد . 