اليوم سويت فطاير كباب بالدجاج وقلت بحطها لكم وان شاء الله تعجبكم
مقادير العجينة :
5 أكواب طحين رقم 1
ملعقتين اكل حليب بودرة
ملعقتين اكل خميرة فورية
فنجان سكر
نص كوب زيت
كوبين ماء
ذرة ملح
طريقة العجينة :
اول شيء اضيف كوبين طحين واحط عندهم الحليب والخميرة والسكر والملح والماء واعجنهم واخليهم من عشر دقائق الى ربع ساعة تقريبا وبعدين احط الثلاث اكواب الطحين مع نص كوب الزيت واعجنهم زين واخليهم لحد ما تتخمر العجينة شوي لحد ما اتجهزي الكباب
مقادير الكباب :
دجاجة
2 بصل
بقدونس اشوي
نفصل الدجاج اللحم عن العظم واحطا على النار اشوي وبعدين افرمها هي والبصل والبقدونس في فرامة اللحم واحط عليهم شويت ملح وفلفل اسود وبقسماط واحطهم في اعواد صغيرة خاصة بالشوي واقليهم لحد ما يتحمروا وبعدين افرد العجينة واقطعها بشكل طولي والف على اعواد الكباب وادخلها الفرن لحد ما تحمر وسلامتكم
هذي صورها قبل لا تدخل الفرن
وهذه صورة ثانية
وهذه بعد ما طلعت من الفرن
وهذه هدية لكم
جربوها ترى كل الي اكل منها عجبته
وادعولي
تسلم اياديك …………وبالعافيه عليكم
بارك الله فيج ، وهذا المطبخ فعلا قد تميز بعروضكم ومواضيعكم
الجميلة لهذه الطبخات والمؤكولات الطيبة وطريقة إعدادها وهي من اهم
البيانات المطلوبة لذلك .
تحياتي اختي الفاضلة …
ما شاءالله عليج حبيبتي أم الدرر .. مبين عليها لـذيـذه حييل ..
بأجربها إن شاءالله وبأخبرج شلون طعمها وبأحطلج صورتها بعد
بس عندي إستفسار بسيط .. يوم أفصل اللحم عن العظم قلتي نحطها عالنار شوي صح..
شلون أحطها يعني أسلقها شوي وإلا كيف؟
وتسلم الأيادي ونتريا منج الزود من هالإبداع يالغلا
اما بالنسبة للدجاج فهو نص سلق شوي تقريبا لحد ما يبدأ يغلي وتصفينه
تسلمي اختي ام الدرر على كرمج
عسّاج عالقوّة،،،
|
المشاركة الأصلية كتبت بواسطة بو عواااشي
 يام يام احس انها لذيذه بس كيف بحاول اجربها بس اخاف الدمر المطبخ خخخخ
تسلمي اختي ام الدرر على كرمج |
الله ايسلمك اخوي بوعوااشي جربها تراها وايد حلوة و بسيطة