فحل مربوط بصنقل 2024.

مساء الخير اخوي اتوقع من وجهة نظري انة رابطينة عسبت ماينسف اليعد اما بخصوص الفحل الثاني شكلة يخوف خص انة شكلة بيظهرلة قرن ثالث وتقبل رأي المتواضع ومشكور علا العرض تقبل مروري

نحن عندنا نعيمي وما مخلي شيء صاحي في العزبة من بليويت وشبك وشينكو
ولكن مهما يكون ما توصل لمرحله أني اربط الفحل بالصنقل
ولا تنسى ان في الصيف يسخن وغير انه ثقيل فعلى ما اعتقد ما يجوز هذا الشيء وفي حبل خفيف وقويويغنيهم عن الصنقل

إذا ما خاب ظني هالفحل إمسود الويه و ناطح راعيه
وصاحبه حاكم عليه إبشوف عينكم ..

اللي ما يعرف للصقر يشويه

هلا أخوي عبدالله

وإنته ما شاء الله عليك ما تفوت هالمناظر

أشوف الكاميرا جاهزه للتصوير

من وجهة نظري إنه العزبه هاي يديرونها بنجاليه لأن سناجل وحبال بهالطريقه شغلهم ودايمن يسوون الحبه قبه

وسبب الربط يمكن يكون لأن الفحل الأول ناطح الفحل الثاني لين ما قال بس ولا بعد كاسر قرنه ومسوله بجمه

وأكيد راعيه يبا يأدبه

وأنا أقول إرجع العزبه وإسأل الراعي
ونورنا الله يبارك فيك
لأني ألحين أبا عرف صدج شو السالفه؟

ما شاء الله .. تبارك الله

ههه انتاجه مايسر ويعس فالليل والرجل عاده عايفنه ولايقدر علبيه

الظاهر والله اعلم ان الخروف الهيس مسوي شي بصاحبه ومعاقبنه بالربط بالسلاسل
والهيس لاشك عاملها في صاحبه اوالي
ومشكور علي المنظر والملااحظه التي لاتطلع الامن خبير ونبه

وجهات نظر وايد و الله اعلم