بس بغيت استفسر عن غنم العرب السود
كيف تربيتهم وهل هن يصلحن للتربيه وكيف مقاومتهم للجو والامراض وكيف تحملهن
لاني حاب ابدى في تربية العرب
وبشوو تنصحوني اربي نعيم احسن ولا عرب
اللي عنده معلومات لايبخل علينا ويزاكم الله خيييييييييير
اناها تتحمل الحر في وقت القيض
تتحمل البرد القوي وقت الشتاء
وانها قليله الأمراض
واتعيش في الأرض الجلد القويه
ولا في المنطقه الي فيها اطعوس
ومن ناحية الأنتاج ماشاء الله في السنه ولدتين
ولامثل لحمة طليها ومن يوم يجي عمره اشهرين او ثلاثه
وده السوق والله بيرزقك بقيمتا زينه
وغيري يبخص اكثر مني وعنده معلومات اكثر مني
وارجو اني ما ثقلت عليكم
حياك الله اخويه بوعيسى كيف الحال …؟
والله يا بوعيسى العرب طيبه وتستاهل الواحد يقنيها لكن وين تتحصل قليل اللي يمتلك الاصلي منها في بلادنا واكثرها مهجنه ويقولولك عرب وانا من الناس اللي يهوى العرب ولله الحمد امتلك منها قرابة ال 30 راس كلها جايه من السعوديه ولو يعطوني فيها مبلغ وقدره ما نوينا بيعها والله يرزقك باللي خير منها ولكن نصيحتي لك اذا لقيت حد عنده عرب طيبه واصليه للبيع اشتر ولا تتردد واذا ما حصلت اتجه للنعيم يا مكثره عند الربع وسهل تحصل لها فحول لكن العرب ان عينت شياه صعب انك تلقالها فحول طيبه لتحسين وتطوير النسل بعكس النعيم
تحياتي لك واتمنالك التوفيق
انا حصلت شياه عرب صنف وطيبه لكن ماعرف وين بحصل فحل طيب
اذا تعرف حد يبيع يليت اطرشلي على الخاص ويزاك الله خيير
تحياتي لك
العرب تتميز بشي واحد مختلف عن الخرفان الباقيه اذا رعت في الفلا اتفرقت مب مثل النعيم يمشن مع بعض اما باقي الاشياء مثل باقي الخرفان ما في شي يعني مميز ولون العرب الصنف ايي ظهرهن مشهب مثل اللي في الصور انا كنت اربي عرب لكن عقب ما شفت ها الحلال عند الربع في منتدى سوريات من اربع سنوات بعتهن كلهن على الاخ خليفه الدهماني اتمنى لك التوفيق
على فكره انتشارهن اكثر شي في السعوديه في الشرقيه وقطر وعلى فكره في العرب البيض وهاذيل اندر من السود اين جسمهن ابض وويهن اسود بس الويه مب الراس وفيه رش ابيض منقط في الخدود وعند الاخت اصيله منهن يابتهن من قطر من فتره والعرب الاصليه الهن شعر فوق راسهن ما ايجزونه يسمونه الكوشه
على فكره هلكت لين لقيت لك الصور من ضمن 100 ملف تقريبا عندي
بس الصور ماطلعن عندي يليت تحملهن لي من موقع ثاني
وتسلم على المداخله
كل مادخل موضووع يخصك ماتطلعلي صوره وتسلم
