اعرض ولاول مرة فحول الدار الاحمر والاسود عربية خالصة العمر سنتين ونص والابيض امه عربية وأبوه صلالي من الحجم الكبير وعمره سنتين السخل الاسود والسخلة الغبره من انتاج الفحل الابيض
ماشالله ربي ايبارك الوان حلوه
ماشاء الله ربي يباركلك انشاء الله
ماشاءالله تبارك الرحمن
بصراحة شي طيب , بس أحسنهن الأحمر
بس بدون زعل هذيلا مش بيوور أصليات
فيهن هجييين, والدليل على هالشي أذنينهن القصار
بس ماشاءالله سمان وطيبات
بصراحة شي طيب , بس أحسنهن الأحمر
بس بدون زعل هذيلا مش بيوور أصليات
فيهن هجييين, والدليل على هالشي أذنينهن القصار
بس ماشاءالله سمان وطيبات
الله يبارك لك فيهن
الحو مهجن يمكن ويا صومالي لن فيه حنحون…+اذنه صغيره
الحو مهجن يمكن ويا صومالي لن فيه حنحون…+اذنه صغيره
ماشاء الله تبارك الرحمن والله يباركلك في حلالك
الله يبارك لك في حلالك
تسلموا يا اخوان كل بأسمه على المشاركة الطيبة ونتقبل وجهات النظر لكن الاسود والاحمر عربية 100% ومن انتاجنا والملاحظة على الاذن القصيرة هذي يسموها السك وممكن تسالوا شوابكم واهل الخبرة اذن الماعز ثلاث أنواع ( الاذن القصيرة يسموها السكة ، والاذن الطويلة شوي والعريضة يسموها السبته ، والاذن الطويلة والمرضوفة طابقة على بعض يسموها الصمعه ) طبعا هذا تسميات شحية متوارثة والبدو وأهل الساحل ما اعرف شو يسموها وللتأكيد مرة ثانية الفحولة 100% عربية خالصة وما داخل عليه أي تهجين
الله يبارك لك في الحلال يا الشحي
تصحيح بسيط الأوصاف اللي ذكرتها متوارثه عند قبايل الشمال وغي محصورة ع قبيله دون غيرها
ودمت بود
تصحيح بسيط الأوصاف اللي ذكرتها متوارثه عند قبايل الشمال وغي محصورة ع قبيله دون غيرها
ودمت بود
تسلم بومايد لكن انا ما اختلط ويا كل القبايل وما اعرف شو يسموها اعرف قبيلتي يسموها كذا والتسميات تختلف عندنا وعند غيرنا وتشكر على المعلومة