ما شاء الله تبارك الرحمن جاء موسم المنجا وشجرتنا في البيت سنه اتطلع وسنه لا بس راضيين عليها لانها لين طلعت تطيب خاطرنا وخاطر ربعنا واهلنا ولله الحمد …..
بسم الله نبدأ
انجهز الاغراض ….
انقشر ٩ من المنجا وانقعطه صغار وانتبله ب ١ م ك ملح + ١ م ص كركم …..
نخلط في الخلاط راس ثوم + قطعة زنجبيل + ١ فلفل اخضر انا ماحطيت ما احبه حار +نصف كاس خل ابيض …..
نضع في المقلاه فنجان زيت + ١ م ص حب الخردل + نصف م ص سويده ( حبة البركه ) ونحركه دقائق …..
انضيف عليه المنجا …
ونخلطه ثم نرش عليه شوية فلفل احمر + شوية فلفل اسود ….
نقلب الخليط ونتركه على نار متوسطه لمدة ١٠ د ….
شوفوه كيف لان …..
ثم نضيف عليه خليط الثوم …..
ونقلب الخليط لمدة ١٥ د …..
وقبل ان نرفعه نسكب عليه نصف فنجان ليمون جاهز …..
نعبي البرطمان بعد ان يبرد ونتركه مفتوح حتى يبرد تماما ….
والآن جاهز للاستخدام نغلقه ونحفظه في الثلاجه ….
اخت المنتدى
اصيله
|
المشاركة الأصلية كتبت بواسطة صاحبة حلال
 اختي ما اخبرك شو كان الشعور و تعابير الوجه حتى انتهيت من قراة الوصفه تسلم ايدك اختي بس انا اسوي دايت ادعيلي الله يقويني و استمر فعشان كذيه ما اقدر اكل الاكار فلو سمحت نصيبي اريده بالغ اصفر و با اكله في اليوم المفتوح و تسلمين هههههههههههههههه
|
حرااااام احسن اني مجرمه بس وين مكان عشان التوصيل لما ينضج اطرش لك شويه مب وايد 
لان حتى الاهل في الدوحه يبون منه
|
المشاركة الأصلية كتبت بواسطة zooro
ما شاء الله .. أجار غاوي وفرش ..
|
ولذيذ ………يالله اريد اشوف التطبيق
|
المشاركة الأصلية كتبت بواسطة غبيشة
مشكوره يالغالية على هالوصفة الرائعة تمت إضافتها لمفضلاتي ويالسه اتريا الهمبا في الذيد من ينزل في السوق بكون له بالمرصاد بإذن الله
|
حبيبتي …يسعدني انك اتجربين اكلاتي وطبقي ونزلي لي الصور اريد اشوف
|
المشاركة الأصلية كتبت بواسطة obaid40000
يعطيج العافية
|
الله يعافيك ……....
هذي الطريقة لحفظها من التلف
الاجار فاتح للشهيه