بناءا على طلب إختنا أصيله , عن طريقة عمل الفخار وبالصور ,
أنا صورتلكم , الطريقه وبشرحلكم بالتفصيل
فخلوكم مع الشيف م.هاوي 
أول شي محتاجين قدر , وأنا أشوف أنسب شي إنكم تشتروون وعاء ينباع عند الحدادين على أساس إنه للتنورلانه يفي بالغرض ووايد أوكي
نملي القدر بالماي نصفه تقريبا
ومن ثمه نضيف له التمر
ومن بعد العومه ( وايد رخيصه اليونيه ب 20 درهم )
وأخيرا أعواد حشيش أخضر ( زغبه أو رودس أو مسيبلو أو غيرها) ولازم تقطعونه على طول أصابع اليد ( يعني قطع صغيره )
وفي ناس تضيف بدل التمر سبوس والكل يمشي حتى لو تضيف السبوس مع كل اللي ذكرته يمشي
وتكون الخلطه بهاي الطريق
وتشب تحته نار هادية ( أنا شخصيا البيدار عندي يشبها الساعه 4 العصر وتقريبا الساعه 8 او 9 بالليل يطفي الضوو)
ونتركها تبرد لين الصبح , والصبح تفرغ على سطول الحلال بالماي وكل شي فيها
وصدقوني خلال أسبوع بتشوفون الفرق بين على الحلال
وإذا بالنسبه للحطب تراها سهله ( أنا شخصيا أشب الضو بمخلفات النخل الكرب والزور , والمربع والخشب التعبان , وبهالطريقه تكون نضفت عزبتك من المخلفات وإستفدت منها)[/CENTER
مشكوور اخوي على الموضوع بس بقيت استفسر عدنا في قطر الفخار انسويه حق البقر بس ابي اعرف اهو زين حق المعز والغنم؟؟
وانشالله مافيه ضرر على الحلال تقبل مروري اخووي
جزاك الله خير وجزى والديك الجنه انا من زمان اسمع بها بس ما عرف طريقتها كيف ؟؟من ميزات هذا المنتدى الراقي اننا نجد لكل سؤال جواب ولله الحمد ……….ومن ثم الشكر للجميع
م.هاوي……….انت مبدع اشكرك ……….
سؤال:-كم مره نطعمهم في الشهر؟؟؟؟؟؟
|
المشاركة الأصلية كتبت بواسطة قطري هاوي
 السلام عليكم ورحمة الله وبركاته
مشكوور اخوي على الموضوع بس بقيت استفسر عدنا في قطر الفخار انسويه حق البقر بس ابي اعرف اهو زين حق المعز والغنم؟؟ وانشالله مافيه ضرر على الحلال تقبل مروري اخووي |
هلا أخوي قطري
حتى نحن نستخدمه للبقر
بس حتى للغنم وايد مفيد وفعال وأنا أنصحك به
تحياتي لك
|
المشاركة الأصلية كتبت بواسطة اصيله
السلام عليكم ورحمة الله وبركاته
جزاك الله خير وجزى والديك الجنه انا من زمان اسمع بها بس ما عرف طريقتها كيف ؟؟من ميزات هذا المنتدى الراقي اننا نجد لكل سؤال جواب ولله الحمد ……….ومن ثم الشكر للجميع م.هاوي……….انت مبدع اشكرك ………. سؤال:-كم مره نطعمهم في الشهر؟؟؟؟؟؟ |
مرحبا يا إختي أصيله وشكرا على كلمة مبدع
بالنسبه لي أنا مسوي جدول كل ثلاث أيام أسوي لهن مره وحده , وفكره بالأسبوع مره أوكي بعد
بس الفخاره ماتضر , بالعكس كلها فايده
تقبلي تحياتي
الحليب او اللحم ؟؟…
احنا طال عمرك الفخاره نسويها للبقر بس
وما نخلي شي ما نحطه
يعني كل اكل البيت اللي زايد ينفر في الجدر
وينعطى للبقر بشكل يومي
ومشكرين مرة ثانية بالمصري
|
المشاركة الأصلية كتبت بواسطة "راعي وصايف"
مشكور الهاوي ماقصرت وانا بعد من زمان اسمع عنها وياليت لوتخبرنا فوايدها وهل لازم نعطيها لحلال بالتدريج ؟؟وهل يؤثر على طعم
الحليب او اللحم ؟؟… |
مرحبا يا راعي وصايف
بالنسبه لفوايدها , بتشوف الحلال بدا عليه السمنه , وماشاءالله يدر حليب والمواليد الجدد تكون بصحه ,
وفي معلومه يصير الحلال مقاوم للأمراض , لان العومه المطبوخه مع المواد الثاينة كلها بروتينات وفيتامينات
أما بالنسبه للطعم للحليب واللحم لا بالعكس عادي وهذا يعتبر غذاء
ومن ناحية التدريج مايحتاي , أعمل جدول للحلال كل كم يوم أو كل إسبوع , وبكميات كافيه موب شرط وايد
بس أهم شي الحلال ياكل منه شوي ويغير الروتين الغذائي, والنتيجه خلال فتره بسيطه
أتمنى إني فدتكم وفدت الأخوان وإذا في أي إستفسار تراني جاهز على الإجابه
|
المشاركة الأصلية كتبت بواسطة امير السلام
مشكوووووووووووور يالمبدع
احنا طال عمرك الفخاره نسويها للبقر بس وما نخلي شي ما نحطه يعني كل اكل البيت اللي زايد ينفر في الجدر وينعطى للبقر بشكل يومي ومشكرين مرة ثانية بالمصري |
العفو يابرنس ونحن نعطي البقر وباقي الحلال
شكرا على مرورك