السلام عليكم ورحمة الله
إخوتي أخواتي عشاق ومتابعي مدونة أغنام الامارات حياكم الله أينما كنتم 
أقدم لكم اليوم طريقة جديدة في تحميم وانتعاش الحلال وهذا الاختراع فكرت فيه بعد أن رأيت
نجاحه وكفاءته فقلت ليش ما أخبر به ربعي وربيعاتي 
الله يسلمكم شوفوا هالجهاز
مثل ماشفتوا هذي المكينة لرش عذوج النخل وغسل التمر من التراب خصوصا للنخل
العاليات ويشتغل بالبترول وقلت عيل برش يواعدي ومعزاتي خليني أجرب أول شي جهزت الوعاء بالماي والصابون
وركبت المكينة واللي بتشفط الماي ولها هوز طويل ونهايته مسكه تقدر اتزيد دفعات
الماي واتقصرها المهم قلنا يلا أنسبح الاولاد والبنات بدش سريع ومنعش ايخفف من
حرارة ورطوبة الجو وإدا نفعت النتيجة يبشرون كل اسبوع بسبحهم وبنظفهم وبنعوشهم 
يلا أنشوف شو سوت غبوش وفريق المهمات الصعبة
شو الحوحاو والحلط لي طاح من بثينة 
بس الحين نظفت
كلهم اتسبحوا محد ماتم ما اتسبح الواضح والمنخش
طبعا ورجعنا سبحناهم وعذبناهم بالماي الحلو عقب الصابون وظهروا يتمشون ويتشمسون وحطينالهم طبعا حشيش لينما ينشفون
هذا اللي استوا البارحة عند غبيشة وفريقها
أشكرلكم حسن المتابعة وأتمنى أن تكونوا استفدتوا من هالطريقة وأخص بها إخوتي المربين الجدد
لتوفير الوقت والماي والجهد
فكرة وتقديم أختكم أم عبدالله 
ربي يبارك لك في مالك وحلالك
صدق فكره عجيبه
ويسستاهل الحلال ف هذا الوقت
تصدقي عندنا ف لمزرعه نفسها بس ما فكرنا فيها
تسسسسسسسسسلم ايدج
والله يعطيج الصحه والعافييييييه
بس لو جمعتي الدبش في مكان فية زراعة عشان تستفيدي من الماي المنهدر
|
المشاركة الأصلية كتبت بواسطة ملك الأبيض
 |
شكرا يالملك على احرازك المركز الاول في الاطلاع على موضوعي
|
المشاركة الأصلية كتبت بواسطة brgwra3d
ما شاء الله تبارك الرحمن
ربي يبارك لك في مالك وحلالك |
تسلم يا برق ورعد على هالدعوة الطيبة
|
المشاركة الأصلية كتبت بواسطة ZooRO
هههههههههههه .. وحليلج يا بثينه دومها تطلع في كل المواضيع وحركاتها ..
|
مايستوي يا بومحمد كله ولا بثينة راس المال وكل الحلال
|
المشاركة الأصلية كتبت بواسطة اصيله
عجبتني الفكره وانا عندي وحده لسيايير البيت باخذ ثانيه للحلال
|
شور طيب يا أصيلة وأكيد انج بتدعيلي
|
المشاركة الأصلية كتبت بواسطة المزيون
ياسسسلام
صدق فكره عجيبه ويسستاهل الحلال ف هذا الوقت تصدقي عندنا ف لمزرعه نفسها بس ما فكرنا فيها تسسسسسسسسسلم ايدج |
الله يعافيك يا اخوي المزيون مشاغل وهموم الدنيا اتخلي الانسان ما يركز في الاشياء اللي حواليه وكيف انه يقدر يستفيد منها اشكر لك مرورك يا اخوي
|
المشاركة الأصلية كتبت بواسطة ولد الفوعه
تسلمي يا غبوش
|
الله يسلمك يا ولد الفوعه
|
المشاركة الأصلية كتبت بواسطة ابومبارك
ماشاء الله دائما مبدعه ، نتمنى لك التوفيق
|
ولك كل التوفيق أخوي بو مبارك
|
المشاركة الأصلية كتبت بواسطة محمد المحرزي
فكرة حلوة
بس لو جمعتي الدبش في مكان فية زراعة عشان تستفيدي من الماي المنهدر |
أنا وياك بس لا تنسى الماي مخلوط بصابون وتعرف شو يسوي الصابون في الحشيش والشجر المثمر